देवघाटमा स्नान गर्ने क्रममा नवलपुरको एक युवा बेपत्ता

कावासोती । देवघाटमा मकर संक्रान्तीको अवसरमा स्नान गर्ने क्रममा नवलपुरको गैँडाकोटका एक युवा बेपत्ता भएका छन् । त्रिशूली र कालीगण्डकीको संगम देवघाट बेणिमा पौडी खेल्ने क्रममा युवा बेपत्ता भएका हुन् । आज बिहान ९.३० बजे नदीमा पौडी खेल्न गएका नवलपुर गँैडाकोटका २४ वर्षीय अमृत भनिने चित्रबहादुर गुरुङ बेपत्ता भएको देवघाट मकर संक्रान्ति मेला मूल आयोजक समितिका सह संयोजक शिवकान्त तिवारीले जानकारी दिए । जिल्ला प्रहरी कार्यालय तनहुँका प्रहरी नायब उपरीक्षक श्याम अर्यालका अनुसार उनको खोजी भइरहेको जाएका छन् । तनहुँतर्फबाट पोडी खेल्दै नवलपुरतर्फको भागमा आइपुगेका गुरुङ फर्कने क्रममा नदीको छालमा परेर बेपत्ता भएको प्रहरीको भनाइ छ । गुरुङ कान्तिपुर पब्लिकेशनको भरतपुर कार्यालयमा सहयोगीका रुपमा काम गर्दै आएका थिए । बेपत्ता गुरुङको सशस्त्र प्रहरीको विपत् व्यवस्थापन केन्द्र कुरिनटार चितवनबाट खटिएको टोलीले खोजी गरिरहेको छ ।