कावासोतीको समता शिक्षा निकेतनले मनायो १० औं बार्षिकोत्सव

कावासोती । समता शिक्षा निकेतन माध्यमिक बिद्यालय कावासोती २ नवलपुरले आफ्नो १० औं बार्षिकोत्सव एवं अभिभावक दिवस सम्पन्न गरेको छ । बिद्यालय परिशरमा आज (सोमबार) एक कार्यक्रमका बिच बिद्यालयले आफ्नो बार्षिकोत्सव दिवस मनाएको हो । कावासोति नगरपालिका प्रमुख चन्द्रा कुमारी पुनको प्रमुख आतिथ्यतामा सम्पन्न कार्यक्रममा नवलपुरका प्रमुख जिल्ला अधिकारि दिपकराज नेपालको बिशिस्ट आतिथ्यता रहेको थियो । कार्यक्रममा बोल्दै प्रमुख अतिथी एवं कावासोती नगर प्रमुख पुनले गुणस्तरीय शिक्षा प्रदान गर्न बिद्यालयलाई आग्रह गर्नुभयो । उहाले गुणस्तरीय शिक्षा प्रदान गर्ने कुरामा कसैसङ्ग सम्झौता नगर्न आग्रह गर्दै शिक्षा क्षेत्रको बिकासका लागि नगरपालिकाबाट हुने सबै सहयोग गर्न तयार रहेको बताउनुभयो ।
बिद्यालयका प्रीन्सिपल महेश भुर्तेलको सभापतित्वमा भएको कार्यक्रममा जिल्ला शिक्षा तथा समन्वय ईकाई नवलपुरका प्रमुख कृष्ण चन्द्र पोखरेल, कावासोती वडा नम्बर २ का अध्यक्ष लक्ष्मी प्रसाद पौडेल, ५ नम्बर वडा अध्यक्ष हरि प्रसाद बास्तोला, वडा नम्बर ६ अध्यक्ष हेम प्रसाद पाण्डे, जिल्ला प्रहरी कार्यलय नवलपुरका प्रमुख रमेश थापा, लुम्बिनी आदर्श डीग्री कलेजका प्रमुख बाबुराम राना, कुमारबर्ती बहुमुखी क्याम्पसका प्रमुख गुरु प्रसाद सुवेदी, नवलपुर उधोग बाणिज्य सङ्घका अध्यक्ष डासुराज पोखरेल, नेपाल रेडक्रस शाखाका पुर्ब सभापति योग प्रसाद शर्मा, समता शिक्षा नेकतनका केन्द्रिय निर्देशक दिपक सन्जेल, केन्द्रिय ब्यबस्थापक सुदर्शन पौडेल, प्रेस युनियन नवलपुरका अध्यक्ष बिरेन्द्र पराजुली, बाताबरण पत्रकार मञ्चका अध्यक्ष शालिकराम कोइराला लगायतको सहभागिता रहेको थियो । कार्यक्रममा बिद्यालयका बिद्यार्थिहरुले विभिन्न सास्कृतिक प्रस्तुतिसमेत प्रस्तुत गरेका थिए भने बिद्यार्थिहरुले बनाएका बिज्ञान सम्बन्धी प्रदर्शनी पनि प्रदर्शन गरिएको थियो ।
त्यसैगरी कार्यक्रममा बार्षिक परिक्षामा प्रथम, दित्तिय र तृतीय हुने बिद्यार्थिहरुलाई पुरस्कार समेत बितरण गरिएको थियो । २०६६ सालमा स्थापना भएको बिद्यालयमा कक्षा १० सम्म पढाइ हुँदै आएको छ भने ८ सय ७४ बिद्यार्थि अध्ययनरत छन । देशका ७७ वटै जिल्लामा संचालनमा आएको समता बिद्यालयमा ४० हजार बिद्यार्थिले अध्ययन गरिरहेको र १ हजार ५ सय कर्मचारीले सेवा दिईरहेका केन्द्रिय निर्देशक दिपक सन्जेलले जानकारी दिनुभयो ।

सर्वसुलभ शिक्षा दिने समता स्कुल विश्वव्यापी बन्दै
न्यूनतम शुल्कमा गुणस्तरीय शिक्षा र स्वास्थ्यको उद्देश्यसहित सन् २००१ सालमा काठमाडौंको नयाँबस्तीमा स्थापना भएको समता एजुकेशन फाउन्डेशन नेपालले नेपालमा ७७ वटा जिल्लामा समता स्कुलको शाखा विस्तार सँगै काठमाडौंको कुमारीजलमा समता हस्पीटल सँग समन्वय सहित २०१९ बाट भारत, बंगलादेश, श्रीलंका र बर्मामा समेत समता स्कुलले स्वीकृती लिई पठनपाठन समेत सुरु समेत गरिसकेको छ ।
संस्थाका संस्थापक उत्तम संजेलका अनुसार ति देशहरुमा पनि मासिक शुल्क रु १०० मा मात्रै पढाईने छ । अन्तराष्ट्रिय स्तरमा समेत समता पुग्नुले विद्यालयमा नभई नेपालको पहिचानको रुपमा समेत स्थापित हुनेमा आफूलाई गर्व महसुस भएको संजेलको भनाई छ । हरेक बर्ष नजितामा समेत उत्कृष्ट उत्रिएको समता स्कूल अहिले देश र विश्वमै स्थापित हुने चरणमा छ । ‘सबैका लागी शिक्षा’ भन्ने नाराका साथ सुरु भएको समता समाजका सबै वर्ग, क्षेत्र र समुदायका बालबालिकालाई शिक्षाको पहुचमा पु¥याउने काम गरेको छ । सन् २०२२ सम्म मा एसियाका साथै ल्याटिन अमेरिकी देशहरुमा समेत समतालाई विस्तार गरिने बताईएको छ । वर्गिय रुपमा शिक्षामा समनता समेत नभएको नेपालमा समानताको रुपमा स्थापित रहेको समता स्कुलले आगामी दिनमा अझ सेवासुविधा सहित सर्वसुलभ र उत्कृष्ट शिक्षा दिने उद्देश्य रहेको छ । समता स्कुल कावासोतीका प्रिन्सिपल समेत रहेका महेश भुर्तेलले शिक्षामा एउटा नयाँ शिराबाट बहस सुरु गरेको र समताले देशको शिक्षा नीतिलाई नै परिवर्तन गर्नुपर्नेमा समेत सुझावमुलक उदाहरण पेश गरेको बताए । समतास्कुलमा देशभरका मध्यमबर्गिय परिवार देखी सर्वहारा वर्गका विद्याथीहरुलाई र सिमान्तकृत क्षेत्रका बालबालिका निशुल्क रुपमा पनि शिक्षा दिदैं आएको छ ।