अष्ट्रेलियाद्दारा भारत चार विकेटले पराजित

एजेन्सी –पिटर हेन्डस्कम्बले सानदार शतक र एस्टन टर्नरले विस्फोटक अर्धशत प्रहार गरेपछि चौथो वानडे क्रिकेटमा अष्ट्रेलियाले भारतलाई चार विकेटले पराजित गरेको छ ।

आइतबार राती सम्पन्न खेलमा भारतले प्रस्तुत गरेको तीन सय ५९ रनको लक्ष्य अष्ट्रेलियाले ४७.५ ओभरमा ६ विकेटको क्षतिमा पूरा गरेको थियो । यस जितसँगै पाँच वानडे सिरीज २–२ को रोमान्चक मोडमा पुगेको छ । अष्ट्रेलियाको जितमा पिटर हेन्डस्कम्बले एक सय १७ रन बनाए । उस्मान ख्वाजाले ९१ र एस्टन टर्नरले अविजित ८४ रन बनाएका थिए । ग्लेन म्याक्सवेलले २३ र एलेक्स केरीले २१ रन बनाएका थिए ।  बलिङमा भारतका लागि जसप्रित बुमराहले तीन विकेट लिए । कुलदिप यादव, युजवेन्द्र चाहाल र भुवनेश्वर कुमारले समान एक एक विकेट लिएका थिए ।

यसअघि टस जितेर पहिला ब्याटिङ गरेको भारतले निर्धारि ५० ओभरमा ९ विकेटको क्षतिमा तीन सय ५८ रन बनाएको थियो । भारतका लागि शिखर धवनले एक सय ४३ रनको उत्कृष्ट इनिङ खेले । ओपनर रोहित शर्माले ९५ रन बनाएका थिए । ऋषभ पन्तले ३६, केएल राहुल र विजय शंकर समान २६ र केदार जाधवले १० रन बनाए । बलिङमा अष्ट्रेलियाका प्याट कमिन्सले पाँच विकेट लिए । झेय रिचड्सनले तीन र एडम जम्पाले एक विकेट लिएका थिए । अब अन्तिम खेलमा मार्च १३ तारिख हुनेछ