आज बिहिबार कुन राशी हुनेको कस्तो योग छ ? हेर्नुस आजको राशाीफल

वि.सं. २०७६ कार्तिक २८ गते बिहीबार तदनुसार ई. सं.२०१९ नोभेम्बर १४ तारिख, मार्गशीर्ष कृष्ण द्वितीया, रोहिणी नक्षत्र, बृष राशिको चन्द्रमा, परिघ योग, तैतिल र गर करण। आजको चाडपर्व र उत्सव : विश्व मधुमेह दिवस, आजको मूहुर्त : अन्नप्राशन (पास्नी), अग्निवास (होमादि), गृहारम्भ (घरको जग राख्ने), शिलान्यास (सामान्य), वास्तुमुहूर्त, घर छाउनेरढलान गर्ने, डेरा सर्ने, दैलो राख्ने, पुराणश्रवण, दीक्षाग्रहण ।

मेष राशी (चु, चे, चो, ला, लि, लु, ले, लो, अ)

मेष राशी हुनेहरुको आज सामाजिक कामबाट मान सम्मान र यश मिल्ने योग छ । रोकिएका काम बन्ने छ । बोलीको कदर हुनेछ । ग

रेको कामको उच्च मूल्यांकन हुनेछ । मान प्रतिष्ठा र पद बढुवा हुने सम्भाना छ ।

वृष राशी (इ, उ, ए, ओ, बो, बु, बे, बो)

वृष राशी हुनेहरुको लागि आज अरुलाई प्रभावित पारेर काम बनाउने समय छ । नाम, दाम, प्रतिष्ठा र पुरस्कार प्राप्त गर्ने समय छ । भूमि, वाहन र पैत्रिक सम्पत्तिबाट लाभ मिल्ने योग छ । व्यापारमा प्रशस्त फाइदा हुनेछ ।

पितृधनबाट फाइदा उठाउन सकिन्छ । श्रमको उचित मूल्यांकन हुनेछ । दिर्घकालिन लगानीमा धन खर्च गर्न अनुकुल दिन रहेको छ । आज प्रशस्त आम्दानी हुने भए पनि कमाएको धन मनोरञ्जन र खानपिनमा खर्च हुनेछ ।

मिथुन राशी (का, कि, कु, घ, ङ, छ, के, को, ह)

मिथुन राशी हुनेहरुको आज पुराना कुराको यादमा समय बित्नेछ । नयाँ ठाउँमा धन लगानी गर्ने वातावरण बन्नेछ । अभिभावको सहयोगले रोकिएका काम बन्नेछ । तत्काल निर्णय लिन क्षमतामा अभिवृद्धि हुनेछ ।

लाभदायक खबर सुन्न पाइनेछ । व्यापार व्यवसायबाट फाइला मिल्नेछ । उत्साहपूर्ण समय छ । सामाजिक कामबाट प्रशंसा प्राप्त हुनेछ ।

कर्कट राशी (हि, हु, हो, डा, डि, डु, डे, डो)

यस राशी हुनेहरुको आज दिन मनमा अशान्ति छाउनेछ । सानातिना घरेलु समस्यामा समय बित्नेछ । प्रतिष्ठा प्राप्तिका लागि संघर्ष गर्नुपर्नेछ ।

प्रत्येक काममा बाधा उत्पन्न हुने हुँदा ढिला गरी काम सम्पादन हुने छ । लेनदेनमा विवाद हुने सम्भावना छ । महत्वपूर्ण काम आजलाई स्थगित गर्नु राम्रो हुन्छ । टाढाको यात्रामा नस्किनु राम्रो हुन्छ ।

सिंह राशी (मा, मि, मु, मे, मो, टा, टि, टु टे)

सिंह राशी हुनेहरुको आज आत्म विश्वास र निर्णय क्षमतामा वृद्धि हुने समय छ । मनोरञ्जनमा समय बित्नेछ । आर्थिक पक्ष सबल छ ।

घरपरिवारमा खुशी छाउनेछ । व्यापार, व्यवसाय र पेशाबाट आम्दानी प्रशस्त बढ्नेछ । साझेदारीमा गरिने काम शुरु गर्ने समय अनुकुल छ । साथीको सल्लाहले गरिएको कामबाट फाइदा पुग्नेछ । आम्दानी प्रशस्त बढ्नेछ ।

कन्या राशी (टो, प, पी, पु, ष, ण ठ, पे, पो)

कन्या राशी हुनेहरुका लागि आज रिस, राग र क्रोधमाथि नियन्त्रण गर्नुपर्दछ । आज गरिएको जुनसुकै काममा सफलता प्राप्त गर्न सकिनेछ ।

उत्साह बढ्ने छ । व्यवसायिक स्थितिमा सुधार आउने छ । हडबड र आत्तिने बानी भने त्याग्नु राम्रो हुनेछ ।

तुला राशी (र, रि, रु, रे, रो, ता, ति, तु, ते)

यस राशी हुनेहरुका लागि आज दिन ज्ञान सिप बाँडेर जस लिने दिन हो । व्यवसायिक क्षेत्रबाट राम्रो लाभ हुनेछ । बौद्धिक र प्राज्ञिक क्षेत्रमा समय अनुकुल छ ।

कामधन्दा र व्यवसायका लागि राम्रो बातारवरण बन्नेछ । गरेका कामबाट प्रशंसा पाइनेछ । पारिवारिक जीवन सुमधुर रहनेछ ।

वृश्चिक राशी (तो, ना, नि, नु, ने, या, यि, यु)

वृश्चिक राशी हुनेहरुका लागि सामान्य कुराले पनि मन पिरोल्छ । विश्वासघात हुने सम्भाना छ । घरायासी प्रयोजनमा धन खर्च हुने सम्भावना छ ।

मनमा अशान्ति छाउने छ । भर्खरै चिनजान भएका व्यक्तिले धोका दिन सक्छ ।

धनु राशी (ये, यो, भ, भी, भू, ध, फा, ढ, भे)

धनु राशी हुनेहरुका लागि आज पराक्रम प्रस्तुत गरी प्रतिष्ठा प्राप्त गर्ने समय छ । दिन दुःखीलाई दिएको सानो सहयोगले रोकिएको काम बन्नेछ ।

परोपकारी कामबाट प्रशंसा बढ्ने छ । व्यवसायमा राम्रो लाभ मिल्ने योग छ । पशुपालन र दुग्ध व्यवसायीहरुले मनग्ये धन लाभ गर्न सकिनेछ ।

मकर राशी (भो, ज, जी, खि, खु, खे, खो, गा, गी)

मकर राशी हुनेहरुका लागि आज आकस्मिक धनलाभको योग छ । प्राविधिक काममा सफलता मिल्नेछ ।

आभूषण, श्रृङ्गार, साजसज्जा, फेसन डिजाइनर र सञ्चार क्षेत्रका व्यवसायीले राम्रो लाभ गर्ने योग रहेको छ भाँडाकँुडा, घरायासी, समान र सुनचाँदी जस्ता धातुको कारोबारबाट लाभ मिल्नेछ । बोलीमा प्रभाव जमाउन सकिनेछ ।

कुम्भ राशी (गु, गे, गो, सा, सि, सु, से, सो, द)

यस राशी हुनेहरुको आज जोश र जाँगर पलाउने छ । रोकिएका काम बन्ने नयाँ काम पाउने अवसर छ । बोलीको भरमा काम सम्पादन हुनेछ । विचार र दर्शनको भरमा धेरैलाई आकर्षित गर्ने समय छ । आत्म निर्णयको क्षमतामा वृद्धि हुनेछ ।

अन्न फलफूल आदि कृषिजन्य व्यवसायबाट प्रशस्त धन लाभ गर्न सकिनेछ । नोकरी र व्यापार व्यवसायबाट सन्तोषजनक लाभ प्राप्त गर्न सकिनेछ । उपाहार पुरस्कार आदि मिल्नेछ । पेशा वा व्यवसायमा उन्नती हुनेछ । नाम, दाम र प्रतिष्ठा प्राप्त हुने दिन छ । नयाँ काम गर्न समय अुनुकुल छ । सोचेको र आँटेको काम बन्नेछ ।

मिन राशी (दी, दु, थ, झ, ञ, दे, दो, च, ची)

यस राशीका हुनेहरुले आज अनावश्यक यात्राबाट जोगिनु राम्रो हुन्छ । खर्चमा नियन्त्रण गर्नुपर्छ । विवाद वा छफलफमा संयम रहनु राम्रो हुनेछ । व्यवसायिक जीवन यथावत रहनेछ ।

गोपनियता अपनाएमा कुनै काम सम्पादन गर्न सजिलो हुन्छ । छिमेकीको समस्या समाधान गर्न समय र धन खर्च हुने सम्भाना छ । परोपकार र दानपुण्यको कार्यबाट लाभ लिन सकिनेछ । व्यापार व्यवसाय सामान्य छ ।