फेवातालमा जलविहार गर्दै बंगलादेशी राष्ट्रपति

पोखरा, २८ कात्तिक । चारदिने नेपाल भ्रमणमा रहेका बंगलादेशका राष्ट्रपति मोहम्मद अब्दुल हमिद आज पोखरा पुगेका छन् । पोखरा पुगेका हमिदले फेवातालमा जलविहार गरेका छन् ।

नेपाल प्रहरीको डुंगामा उनले फेवातालमा जलविहार गरेका थिए। नेपाली सेनाको हेलिकप्टर मार्फत पोखरा आएका उनी आज नै रुपाकोट जाने कार्यक्रम रहेको छ ।

पोखरा विमानस्थलमा उनलाई गण्डकी प्रदेश प्रमुख अमिक शेरचन, सभामुख नेत्रनाथ अधिकारी, अर्थमन्त्री किरण गुरुङ लगायतले स्वागत गरेका थिए।

उनी आजै चार बजे काठमाडौं फर्कने छन्।