दलदलेको “नो पार्किङ्ग” एक साता पनि टिकेन

भिम भुसाल ।
दलदले। देवचुली नगरपालिका–१३ दलदले बजारमा राखिएको “नो पार्किङ्ग” नियम एक साता पनि टिक्न सकेन । दलदले–मुण्डे सडक खण्ड अन्र्तगतको देवचुली नगरपालिका कार्यलय जाने राजमार्गमा राखिएको नो पार्किङ्ग बोड समेत हटेको हो ।
देवचुली नगरपालिका, दलदले बजार ब्यवस्थापन समिति, उद्योग वाणिज्य संघ देवचुलीका साथै वडा नम्बर १३ का वडा अध्यक्ष सहितको संयुक्त पहलमा राखिएको पार्किङ्ग निषेधीत क्षेत्रमा बोर्ड समेत देख्न पाईदैन । दलदले बजार क्षेत्रमा देखिने साना पसल तथा फुटपाथ पसल, ठेला, भौतिक निमार्णका सामाग्रीहरु(ढुङ्गा, गिटि बालुवा) लगाएतका सामाग्रीलाई ब्यवस्थापन गर्दै पार्किङ्गलाई ब्यवस्थित बनाउन लगाईको जोर बिजोर प्रणालि समेत कमजोर साबित भएको छ । जोर दिन(गते) मा दायाँ र बिजोर दिन(गते)मा बायाँ भागमा पार्कङ् गर्ने नियम बसालिएता पनि हाल पार्किङ्ग अस्तब्यस्त बनेको छ ।
दलदले बजारमा पार्किङ्गलाई सहि ब्यवस्थापन गर्न नसकिएको दलदले बजार ब्यवस्थापन समिति उपाध्यक्ष अनुप श्रेष्ठले बताउनुभयो । एक साईटमा पार्किङ्ग गर्ने निर्णय गरिएता पनि हप्ता दस दिन भन्दा धेरै समयसम्म निरन्तरता दिन नसकिएको श्रेष्ठले बताउनुभयो ।
बजारमा सवारी साधन लिएर आउने उपभोक्ता तथा ग्राहकले लापरबाही गरीदिदा पार्किङ्गको ब्यवस्थापन हुन नसकेको हो ।
ब्यक्तिहरुमा जनचेतनाको कमि हुनुका साथै जानि जानि अबुझ बनिदिदाँ समेत पार्किङ्गलाई ब्यवस्थापन गर्न नसकिएको देवचुली नगरपालिका प्रवक्ता एंव देवचुली नगरपालिका वडानम्बर १३ वडाअध्यक्ष क्याप्टेन डिलबहादुर खत्रिले बताउनुभयो ।
दलदले बजारलाई ब्यवस्थित बनाउन पुन बजार ब्यवस्थापन समिति, स्थानिय तथा विभिन्न संघ संस्थाहरुसँग समन्वय गरीने अध्यक्ष खत्रिले बताउनुभयो ।