बौदिकाली गाउँपालिका द्धारा एक वडा एक कृषि नमूना व्यवसायिक खेतीलाई प्राथमिकता

दयाराम आचार्य ।  कावासोती। नवलपरासी पूर्व नवलपुरको पहाडी क्षेत्र अन्र्तगत पर्ने बौदिकाली गाउँपालिकाले खानेपानी, कृषि, पर्यटन र पूर्वाधार क्षेत्रको दीगो विकास मार्फत आत्मनिर्भर र विकसित गाउ“पालिका निर्माण गर्ने सोचका साथ आगामि आर्थिक वर्षको नीति,कार्यक्रम र बजेट प्रस्तुत गरेको छ । गाउँपालिकाको पाँचौ गाउ“सभामा नीति तथा कार्यक्रमहरू प्रस्तुत गर्दै गाउँपालिका अध्यक्ष दुर्गा बहादुर रानाले प्राकृतिक प्रकोम,कोभीड १९ लगाएतका महामारी जस्ता विषम परिस्थितिबाट गाउँपालिकावासीको रक्षालाई प्राथमिकता दिदै गाउ“पालिकाको समग्र विकासलाई प्राथमिकता दिएको बताउनुभयो ।
कोरोनाको कारण रोजगारी गुमेका तथा विदेशवाट फर्किएका युवाहरुको मागको आधारमा कृर्षी कार्यक्रम सञ्चालन गर्ने, निजी तथा सरकारी कृषि योग्य भूमिलाई बाँझो नराख्ने नीति लिने जनाइएको छ । कृषियोग्य भूमिको पूर्ण उपयोग गरेर गाउँपालिकाको माग अनुसारको उत्पादनमा वृद्धि गर्ने । गाउँपालिकाको कृषि योग्य सम्भावित स्थानहरुको पहिचान गरी एक वडा एक कृषि नमूना व्यवसायिक खेतीलाई प्राथमिकता दिने नीति तथा कार्यक्रममा राखिएको अध्यक्ष रानाले बताउनुभयो ।
अर्गानिक तरकारी खेतीलाई प्रोत्साहन, बौदिकाली गाउँपालिका वडा नम्बर १, २, ३ र ४मा तरकारी, तथा खाद्यान्न, वडा नम्बर ५ र ६मा फलफुल साथै खाद्यँन्न र मौरी कार्यक्रमलाई जोडी दिने नीति गाउ“पालिकाले लिएको छ ।
यस्तै दुग्ध उत्पादन र सङ्कलन केन्द्र स्थापना, अदुवा ÷अलैंञ्ची प्रशोधन केन्द्रको स्थापना, सुन्तालाको लागि चिस्यान केन्द्रको व्यवस्थापन गरिने बौदिकाली गाउँपालिकाले नीति तथा कार्यक्रममा उल्लेख गरेको छ ।
बौदिकाली गाउँपालिकामा कृषिको सम्भावना प्रचुर रहेकोले यसैलाई आधार बनाएर कृर्षी क्षेत्रमा लगानी वृद्धी गर्दै उत्पादन बढाउने योजना अनुसारको नीति तथा कार्यक्रम ल्याइएको गाउँपालिकाका प्रमुख प्रशासकीय अधिकृत प्रदिप चन्द्र सुवेदीले बताउनुभयो ।