एक विद्यालय एक वालविकास केन्द्र अनिवार्य, क्याम्पस सञ्चालनको लागि आवश्यक तयारी

दयाराम आचार्य । कावासोती । नवलपुरको बौदिकाली गाउँपालिकाले आगामि आर्थिक वर्षको नीति तथा कार्यक्रममा एक विद्यालय ः एक वालविकास केन्द्र स्थापनालाई जोड दिएको छ । बालबालिकाको शैक्षिक अवस्था सुधारकालागि प्रत्येक विद्यालयमा अनिवार्य रुपमा बालविकास केन्द्र स्थापना गर्ने नीति लिएको हो । यस्तै गाउँपालिका स्तरीय सुविधा सम्पन्न पुस्ताकलयको स्थापना गर्ने समेत जनाइएको छ ।
गाउँपालिका अध्यक्ष दुर्गा बहादुर रानाले प्रस्तुत गर्नुभएको नीति तथा कार्यक्रममा प्राविधिक शिक्षा र व्यवसायकि तालिममा जोड दिने उल्लेख गरिएको छ । सामुदायिक विद्यालयको शैक्षिक तथा भौतिक पूर्वाधार निर्माण,मर्मत सम्भार व्यवस्थापना जोड, विद्यार्थी सिकाई उपलब्धीको परीक्षण र व्यवस्थापन गर्नै खालका कार्यक्रममा जोड, सामुदायिक विद्यालयलाई गरिने पूर्वाधार सहयोगमा अपाङ्गमैत्री र लैङ्गिक मैत्री पूर्वाधार निर्माणलाई प्राथमिकता दिने, सबै विद्यालयहरुमो सुविधा सम्पन्न कम्प्युटर प्रयोगशाला बनाउने, उत्कृष्ट विद्यालय व्यवस्थापन समिति, उत्कृष्ट प्रधानाध्यापक र उत्कृष्टि शिक्षकलाई प्रस्कृत र प्रोत्साहन गरिने नीति तथा कार्यक्रममा उल्लेख गरिएको छ ।
राष्ट्रिपति शैक्षिक सुधार कार्यक्रम सञ्चालनको लागि पहल गरिने समेत अध्यक्ष रानाले बताउनुभयो ।
गाउँपालिका भित्र कम्तीमा एक आङ्गिक क्याम्पस सञ्चालन गर्नकालागि आवश्यक तयारी गरिने समेत उहाँले बताउनुभयो ।