इन्सेकद्वारा बिनयी त्रिवेणी गाउपालिकामा स्वास्थ्य सामग्री हस्तान्तरण

कावासोती । अनौपचारिक क्षेत्र सेवा केन्द्र (इन्सेक)ले नवलपरासी (बर्दघाट सुस्ता पूर्व)को बिनयी त्रिवेणी गाउपालिकालाई सोमबार स्वास्थ्य सामग्री हस्तान्तरण गरेको छ ।
मानव अधिकार संरक्षण तथा सम्बर्द्धनका लागि राज्यको जवाफदेहिता तथा जनताको सहभागिता अभिवृद्धि कार्यक्रम सञ्चालन गरिएको बिनयी त्रिवेणी गाउपालिकामा कोरोना रोकथाम तथा नियन्त्रणको लागि सहज होस भन्ने उद्देश्यले पाँच सय थान माक्स, एक लिटर सेनेटाइजर र २ थान थर्मल गन हस्तान्तरण गरिएको हो ।

इन्सेकले गठन गरेको मानव अधिकार समूह बिनयी त्रिवेणी गाउपालिकाका संयोजक धर्मराज जिशी, सदस्य तेज प्रसाद कोईराला र भुना पंगेनीको उपस्थितीमा गाउपालिका अध्यक्ष डम्बर वहादुर जिशीलाई स्वास्थ्य सामग्री हस्तान्तरण गर्नुभएको थियो ।

स्वास्थ्य सामग्री ग्रहण गर्दै गाउपालिका अध्यक्ष जीशीले कोरोनाका कारण उत्पन्न विषम परिस्थितीमा जुनसुकै सानो सहयोगले पनि ठूलो महत्व राख्ने बताउनुभयो । गाउपालिकाले कोरोना रोकथामका लागि विभिन्न प्रयास गरिराखेको समयमा इन्सेकले अत्यावश्यकीय स्वास्थ्य सामाग्री सहयोग गरेकोमा धन्यवाद व्यक्त गर्नुभयो । आगामी दिनमा समेत यस प्रकारको सहयोग र सहकार्य गर्न समेत उहाँले अनुरोध गर्नुभयो ।

इन्सेक ण्डकी प्रदेशद्धारा नवलपुरको दुई वटा स्थानीय तह कावासोती नगरपालिका र बिनयी त्रिवेणी गाउपालिकामा मानव अधिकार संरक्षण तथा सम्बर्द्धनका लागि राज्यको जवाफदेहिता तथा जनताको सहभागिता अभिवृद्धि कार्यक्रम संचाललित छ । सोहि कार्यक्रम अन्तरगत बिनयी त्रिवेणी गाउपालिकामा स्वास्थ्य सामाग्री हस्तान्तरण गरिएको परियोजना जिल्ला सहजकर्ता ज्ञानु पंगेनीले बताउनुभयो ।