मध्यविन्दु नगरपालिकामा नियम विपरित ठेक्का रद्द गरिएको भन्दै बिरोध

चोरमारा । मध्यविन्दु नगरपालिकाले सार्वजनिक खरिद ऐन २०६३ विपरित आधारभूत स्वास्थ्य चौकी भवन निर्माण ठेक्का रद्द गरेको भन्दै निर्माण व्यवसायी संघ नवलपरासी (बर्दघाट सुस्ता पूर्व)ले बिरोध गरेको छ ।
निर्माण व्यवसायी संघ नवलपरासी (बर्दघाट सुस्ता पूर्व) का अध्यक्ष गोमा खण्डलुकले एक प्रेस बिज्ञप्ती जारी गर्दै नगरपालिकाले प्रकाशन गरेको सुचना बमोजिम व्यवसायिहरुले कागजात सहित दररेट दर्ता गराई पक्रियागत रुपमा अगाडी बढेको ठेक्का प्रक्रिया नियम विपरित रद्द गरिएको भन्दै बिरोध जनाउनु भएको हो । दर्ता भएको फर्महरुको कागजात र दररेट सम्बन्धमा पिपिएमओ को साईटमा डाउनलोड गरि नगरपालिकाबाट मुचुल्का गरि गठित मुल्यांकन समितिबाट मुल्यांकन भई गत बैशाख १९ गते सार्वजनिक खरिद ऐन २०६३ अनुसार राष्ट्रिय स्तरको पत्रिकामा बोलपत्र स्वीकृत गर्ने आशयको सुचना समेत प्रकाशन गरि सकेकोमा ठेक्का बदर गर्नु नियम विपरित भएको उहाँले बताउनु भएको छ । ठेक्का प्रक्रियामा संलग्न व्यवसायी फर्मले आफुलाई अन्याय भएको भए सुचना प्रकाशन भएको सात दिन भित्र उजुरी गर्न पाउने व्यवस्था भएपनि सो समयमा कुनै उजुरी समेत नपरेको भन्दै उहाँले यस अघि स्वीकृत भएका फर्महरुलाई नै ठेक्का पाउनु पर्ने बताउनु भयो ।
नगरपालिकाले ठेक्का सम्झौताको लागि निर्माण फर्महरुलाई बैशाख २६ गते पत्र समेत पठाएको थियो । तर, बिभिन्न राजनितिक दाउपेच कै दवावमा ठेक्का प्रक्रिया रद्द गरिएको निर्माण व्यवसायिकको आरोप छ । नगरपालिकाले बिभिन्न वडामा हुने निर्माणको लागि माइला कन्ट्रक्सन, नवलपुर निर्माण सेवा, देवचुली निर्माण सेवा, नवलपुर कन्ट्रक्सन, अनिसा कन्ट्रक्सनको दररेट स्वीकृत गरि ठेक्का सम्झौताको लागि पत्र समेत पठाएको थियो ।
नगरपालिकाले नगरका बिभिन्न ९ वटा वडामा आधारभूत स्वास्थ्य चौकी भवन निर्माणको लागि ठेक्का आवह्न गरेको थियो । यस बिषयमा बुभ्mन मध्यविन्दु नगरपालिकाका प्रमुख प्रशासकिय अधिकृत चन्द्रकान्त न्यौपानेलाई सम्पर्क गर्दा उहाँसंग सम्पर्क हुन सकेन ।