प्रदेश सभा सदस्य श्रेष्ठद्वारा मध्यविन्दु नगरपालिकाको बाढी प्रभावित क्षेत्रको अनुगमन

चाेरमारा । गण्डकी प्रदेश सभा सदस्य जनकलाल श्रेष्ठले आज नवलपरासी (बर्दघाट सुस्ता पूर्व) मध्यविन्दु नगरपालिका–८ मा गिरुवारी खोलाले पु¥याएको क्षतिको स्थलगत अनुगमन गर्नु भएको छ ।
सो क्षेत्रको सिन्कीपन्ना बाँध र गिरुवारी खोला पुलको उत्तर तर्फ खोलाले गरेको कटान क्षेत्रको उहाँले स्थलगत अनुगमन गर्नु भएको हो । खोलाले सो स्थानमा रहेको देवचुली कंक्रिट र आसपासका स्थानीयको जमिन कटान गरेको छ । त्यस्तै बाँधमा क्षति पु¥याउदा सिचाईंमा समस्या भएको छ ।
कटानको अवस्था र क्षतिको विवरण संकलनको लागि प्रदेश शासंद सहितको टोलिले सो क्षेत्रको अनुगमन गरेको हो । उहाँसंगै स्थानीय तहका जनप्रतिनिधि, राजनितिक दलका प्रतिनिधिहरुको सहभागिता रहेको थियो । सो क्रममा उहाँले सो क्षेत्रमा पुगेको क्षतिको न्यूनिकरणको लागि गण्डक प्रदेश सरकारको तर्फबाट हुन सक्ने सहयोगको लागि आफुले सक्दो सहयोग गर्ने प्रतिबद्धता गर्नु भएको थियो । अनुगमनमा नेकपा नवलपुरका कार्यालय सदस्य भिमलाल अधिकारी, नेकपा नवलपुरका जिल्ला कमिटी सदस्य बाबुराम पाण्डे, मध्यविन्दु–८ का वडा अध्यक्ष परशुराम महतो लगायतको उपस्थिति रहेको थियो ।

त्यस्तै उहाँले आज नै मध्यविन्दु–८ मा रहेको राधास्वामी संत्संग्को समेत अनुगमन गर्नु भएको थियो ।
बुधबार र बिहिबार परेको अविरल वर्षाको कारण गिरुवारी खोलामा आएको बाढीले खोला तटीय क्षेत्रमा जमिन कटान सहित डुवान गरेको छ । खोलाले मध्यविन्दु–८को रानीटार र मध्यविन्दु–७ तम्सरिया जोडेने निर्माणधिन झलुङ्गे पुलमा समेत क्षति पुगेको छ । यस अघि शनिबार नवलपुरका प्रमुख जिल्ला अधिकारी मनमाया पंगेनीले समेत सो क्षेत्रको अनुगमन गर्नु भएको थियो ।