प्रा.वि तहका विद्यार्थीलाई दिवा खाजाको प्रभाव

पबित्रा पराजुली , चोरमारा। झोलाभरि किताबकापी बोकेर लक्ष्मी आदर्श आधारभूत विद्ध्यालय पुग्ने पुर्वी नवलपरासीको मध्यविन्दु नगरपालिका– ७ अम्रसाका उत्सव ढकाललाई सधैं खाजाको चिन्ता । बजारमा पाईने खाजा खान सधैं अभिभावकसँग पैसा नहुने । घरको खाजा विद्यालयमा लैजाँदा साथीहरुले गिज्याउँथे । अहिले उत्सव निकै खुसी हुनुहुन्छ । नत उँहालाई विद्यालयमा खाने खाजाको चिन्ता छ नत साथीभाईको भन्दा फरक खाजा हुन्छ की भन्ने चिन्ता । उँहा र उँहाका साथीहरुले विद्यालयमा एकै खालको खाजा खानुहुन्छ ।सामुदायिक विद्यालयमा सञ्चालन गरिएको दिवा खाजा कार्यक्रमका कारण पछिल्लो समय विद्यार्थीको चाप बढ्दै गएको छ।

मध्यविन्दु नगरपालिका–९ सिम्रनीमा रहेको चेतनशील प्राथमिक विद्यालयमा ५७ जना विद्यार्थी रहेका छन् । सिम्रनी, भिम्रनी साथै हुप्सेकोट गाउँपालीकाका पहाडि भेगका बालबालीकाहरु विद्धालयमा अध्ययन गर्न आउँदछन् । विद्यालयले दिवा खाजा कार्यक्रम शुरु गरेपछि कक्षा छोड्ने विद्यालयवाट भाग्ने समस्या पुर्ण रुपमा हटेको चेतनशिल प्राथमिक विद्यालयका प्रधानाध्यापक लुरादेवि खाँडले बताउनुभयो ।

गरिब परिवारका बालबालिकाका लागि यो कार्यक्रम प्रभावकारी भएको छ, उहाँले भन्नुभयो दिवा खाजाले बालबालिकालाई विद्यालयमा नियमित गराउने गरेको छ र पढाउन समेत सजीलो भएको छ ।विद्यालयमा दिवा खाजा सञ्चालन गरेपछि अभिभावकमा समेत बालबालिकालाई विद्यालय पठाउने उत्सुकता जागेको मध्यविन्दु ८ तम्सरीयाका अभिभावक हुमकुमारी मुखीया कुमालले बताउनुभयो । पौष्टिक तत्वसहितको खाजा खान पाएकोमा उँहाको छोरी खुसी भएको उँहाले सुनाउनुभयो । विद्धालयले खाजा दिन थालेपछि बालबालिकालाई खाजा बनाएर पठाउने समस्या हटेको र समय पनी बचेको उँहाले बताउनुभयो ।

देशैभरी प्रावि तहका बालबालिकालाई दिवा खाजा कार्यक्रम सञ्चालन गरेपछि विद्ध्यालमा विद्याीर्थको नियमीतता हुनेगरेको छ जसले गर्दा पठनपाठनमा सहजता हुने गरेको छ भने अभिभावक लाई पनी सहज भएको छ । सामुदायिक विद्यालयका विद्यार्थीका लागि दिवा खाजा कार्यक्रम प्रभावकारी देखिएको छ । विद्यालयमा दिवा खाजा दिन थालिएपछि विद्यार्थी नियमित स्कुल आउन थालेका छन् भने, पढाईको गुणस्तर पनि सुध्रिएको शिक्षक एवम अभिभाभवकले वताएका छन् । विद्यालयमा पढाई सँगसँगै सित्तैमा खाजा खान पाएपछि प्रावि तहका विद्यार्थीहरु खुसी छन् ।