कावासोतीमा माया फिजियोथेरापी एण्ड रिहाबिलिटेसन सेवा शुभारम्भ

गंगा बिश्वकर्मा
कावासोती । नवलपरासी पूर्व नवलपुरको कावासोती–८ मा माया फिजियोथेरापी एण्ड रिहाबिलिटेसन सेन्टरले आईतबारबाट आफ्नो सेवा शुभारम्भ गरेको छ । जिल्लामा यस किसिमको सेवा दिने ठाउँ नभएकाले स्थानियहरुको आवश्यकतालाई ध्यानमा राख्दै फिजियोथेरापी एण्ड रिहाबिलिटेसन सेवाको शुभारम्भ गरिएको सेन्टरका प्रमुख डाक्टर बिन्दु चौधरीले जानकारी दिनुभयो ।

उक्त सेन्टरमा ढाड, कम्मर, घुडाँ,कुम, गर्धन कुरकुच्चा आदी जोर्नी तथा मांसेपसी दुखेको उपचार हुने छ । त्यस्तै हात जाम हुने, माथी लैजान नमिल्ने , अप्रेसन तथा प्लास्टर पछि जाम भएको जोर्नीहरुको समस्या नशा च्यापिएको , सुन्निएको , प्यारालाइसिस (पक्षघात), मुख बांगो हुने , बाल अपांगता महिलाको बृद्धा अबस्थामा पिसाब नरोकीने समस्या, हात खुट्टाको कमजोरी, लुलो हुने झमझमाउने पोल्ने , सिल्का हान्ने समस्याको उपचार हुने डाक्टर चौधरीले बताउनुभयो । औषधिले उपचार हुन नसकेको स्वास्थ्य समस्यालाई फिजियोथेरापीद्धारा उपचार गरिने चौधरीले बताउनुभएको हो ।
सेन्टरको डाक्टर छबिलाल थापाले उद्घाटन गर्नु भएको हो । उहाँले जिल्लामा स्थापित स्वास्थ्य संस्थाहरुमा नयाँ पहिचान सेन्टरले स्थापित गर्ने विश्वास व्यक्त गर्नुभयो ।

गण्डकी प्रदेश सभा सदस्य ओमकला गौतमले फिजियोथेरापीले विभिन्न उपचारहरुबाट निको नभएका बिरामीहरुलाई सेवा प्रदान गरेको अनुभव आफुसंग समेत भएको भन्दै उहाँले नगरबासी र सिंगो जिल्ला बासीको उपचारको लागि सेन्टरले आफ्नो पहिचान स्थापित गर्न सकोस् भन्ने शुभकामना व्यक्त गर्नु भएको थियो ।
शुभारम्भ कार्यक्रममा कावासोती क्षेत्रका विभिन्न समाजिक क्षेत्रमा क्रियाशिल व्यक्तित्वहरुको उपस्थिति रहेको थियो । सेन्टर कावासोती–८ मिलनचोकमा रहेको छ ।