यातायात कार्यालय कावासोतीमा ३१ करोडभन्दा बढि राजश्व सङ्कलन

मीनाक्षी कंडेल नवलपुर । पूर्वी नवलपरासी नवलपुरको यातयात कार्यालय कावासोतीले ३१ करोड बढि राजश्व संकलन गरेको छ । कायालर्यले आर्थिक बर्ष २०७९/८० मा कार्यालयबाट उपलब्ध बिभिन्न सेवासुविधा प्रवाह गरे बापत ३१ करोड ६६ लाख ४८ हजार ४५ रुपिँया राजश्व संकलन गरेको कार्यालय प्रमुख टेक बहादुर घर्ती मगरले जानकारी थिए ।

२०७८/२०७९मा २६ करोड ६६ लाख ६९ हजार ५सय ४८ रुपैँया संकलन भएकोमा गत आर्थिक बर्षमा यातयात क्षेत्रको आम्दानी,प्रशासनिक सेवा शुल्क,चालक अनुमतिपत्र,सवारी दर्ता किताब,सवारी साधन कर संकलन, सवारी आयकर लगायत सेवा शुल्कमा केही रकम वृद्धिभएसँगैँ पहिलेको तुलनामा गत आर्थिक बर्षमा ४ करोड ९९हजार ७८ हजार ४ सय ९७ रुपैँया बढि संकलन भएको हो ।सवारी साधन,लाईसेन्स नविकरण,परिक्षणकालीन लाईसेन्स बितरण,स्मार्ट कार्ड लगायत सवारी दर्ता ईत्यादी सेवाहरु कार्यालयले उपलब्ध गराउदैँ आएको छ ।