राती १२ बजे घरमै गएर महिलालाई जबरजस्ती गर्न खोज्ने व्यक्ति पक्राउ

काठमाडौं ।जबरजस्ती करणी गर्न खोजेको आरोपमा एक व्यक्ति प्रकाउ परेका छन् । मध्यरातमा महिलाको घरमा गएर जबरजस्ती करणी गर्न खोजेको आरोपमा प्रहरीले एक व्यक्तिलाई पक्राउ गरेको हो ।काठमाडौं उपत्यका अपराध अनुसन्धान कार्यालयका अनुसार पुस १६ गते राती १२ बजे एक महिलालाई घरमै गएर जबरजस्ती करणी गर्न खोजेको आरोप सल्यानको दार्मा गाउँपालिका वडा नं ४ घर भई काठमाडौं महानगरपालिका वडा नं २६ मित्रनगर बस्ने विक्रम थापा प्रकाउ परेका हुन् ।

महिलाले प्रतिकार गर्दा महिलालाई कुटपिट समेत गरी फरार भएको र प्रहरीले वैदेशिक रोजगारमा ठगी गरेको अजय थापालाई खोज्ने क्रममा आरोपी विक्रम थापाको मोबाइल भेटाएर अनुसन्धान गरी जिल्ला प्रहरी कार्यालय सल्यानसँग समन्वय गर्दा दोषी देखिएकोले पक्राउ गरेको जनाएको छ ।

थापाले महिलालाई जबरजस्ती करणी गर्ने उद्देश्यले मध्यरातमा घरमा प्रवेश गरी महिलाले प्रतिकार गर्दा कुटपिट गरी फरार रहेको र उक्त मुद्दा यस प्रहरी कार्यालयमा दर्ता रहेकोले मित्रनगरबाट पक्राउ गरी थप अनुसन्धान तथा कारबाहीको लागि ईप्रका थारमारे सल्यान पठाइएको सूचना अधिकारी रवीन्द्र अधिकारीले जनाएका छन् ।