एमाले नवलपुरको जिल्ला अधिवेशन उद्घाटन गर्न केपि ओली आउने

कावासोती । नेकपा एमाले जिल्ला कमिटी नवलपुरको ९औं अधिवेशनको उद्घाटन गर्न एमाले अध्यक्ष केपी शर्मा ओली आउने भएका छन् । आगामी चैत्र २६ देखि सुरु हुने जिल्ला अधिवेशन उद्घाटन गर्न ओली कावासोती आउने जिल्ला अध्यक्ष मुक्तिराम पाण्डेले जानकारी दिए ।कावासोतीको पानस पाटी प्यालेसमा हुने ९औं जिल्ला अधिवेशनको लगभग तयारी समेत पुरा भएको जिल्ला अध्यक्ष पाण्डेले जानकारी दिएका छन् । एमाले नवलपुरले गत चैत १६ र १७ गते अधिवेशनका लागी प्रतिनिधि छनौट कार्य सम्पन्न गरि सकेको छ ।

अधिवेशन नजिकैसँगै बाकीँ रहेको तयारीको कामलाई समेत तीव्रता दिएको एमाले नवलपुर जिल्ला अध्यक्ष मुक्तिराम पाण्डेले जानकारी दिए ।
केन्द्रीय अध्यक्ष केपी शर्मा ओली जिल्ला आउने भएपछि आम कार्यकर्तामा समेत उत्साह छाएको अध्यक्ष पाण्डेले जानकारी दिए। उनका अनुसार प्रतिवेदन लेखन समितिको सोमबार बैठक बसी लेखन कार्य सुरु गरिएको छ ।

त्यस्तै प्रतिनिधिहरूको प्रमाणीकरण र प्रतिनिधि कार्ड निर्माणलाई समेत तीव्रता दिएको उनले जानकारी दिए । उद्घाटन समारोहमा साँस्कृतिक झाँकी, स्थानीय जनताहरुको व्यापक सहभागिता रहने पाण्डेले जानकारी दिएका छन् ।