गैँडाको आक्रमणबाट कावासोतीमा वृद्धाको मृत्यु

नवलपुर । नवलपरासी पूर्वको कावासोतीमा गैँडाको आक्रमणबाट एक जना वृद्धाको मृत्यु भएको छ ।
जिल्ला प्रहरी कार्यालयका सूचना अधिकारी एवम् प्रहरी नायब उपरीक्षक वेद बहादुर पौडेलले दिनुभएको जानकारी अनुसार कावासोती १० रतवल निवासी ९० वर्षीया ज्येष्ठ नागरिक जगरी माया महतोको गैँडाको आक्रमणमा परेर मृत्यु भएको हो ।
कृष्णसार मध्यवर्ती सामुदायिक वनमा भेडा चराउने क्रममा महतोलाई आज दिउँसो १ बजेतिर गैँडाले आक्रमण गरेको थियो । गैडाको आक्रमणबाट गम्भीर घाइते महतोको उपचारको क्रममा मध्यविन्दु जिल्ला अस्पताल कावासोती डण्डामा मृत्यु भएको हो ।