रेल्वे स्टेशनमा गीत गाउँदै हिड्ने रानुलाई सलमान खानले दिए ५५ लाखको घर

एजेन्सी । रेलवे स्टेशनमा जीवन गुजारा गरिरहेकी रानू मण्डल यतिबेला सेलेब्रिटी बनेकी छन्। गरिबीको पीडा र पेट पाल्नकै लागि उनी रेलवे स्टेसनमा गाउथिन्। तर, यतिबेला उनी बलिउड फिल्ममा गाउने सेलेब्रिटी बनेकी छन्।

उनले रेलवे स्टेसनमा गाएको लता मंगेश्करको एक गीत ‘प्यारका नगमा हैं’ सामाजिक सञ्जालमा भाइरल भएको थियो। उक्त गीत भाइरल भएसँगै गायिका मंगेश्कर जस्तै आवाज भएकी भन्दै मण्डलको तुलनात्म्क चर्चा पनि बढ्यो। यही देखेर गायक हिमेश रेशमियाले मण्डलाई स्टुडियोसम्म बोलाएर फिल्मको पाश्र्व गायनको मौका दिए। मण्डलको पहिलो पाश्र्व गायन रहने फिल्मको नाम हो ‘ह्याप्पी हार्डी और हीर’। यो समाचारले यतिबेला बलिउडसँगै मनोरञ्जनको क्षेत्र गर्माएको छ।

सडकको बास र सडककै गाँसमा दैनिकी विताइरहेकै मण्डलाई पुनः अर्को खुसी मिलेको छ। भारतीय सञ्चारमाध्यममा उल्लेख भएअनुसार अभिनेता सलमान खानले मण्डलाई मुम्बईस्थित ५५ लाख भारतीय मूल्य बराबरको एक घर उपहार दिएका छन्। यससँगै अब बन्ने फिल्म ‘दबंग–३’मा गायनको मौका दिनेसमेत सलमानले उद्घोष गरेका छन्।

यो पनि समाचार, कश्मीरको राजनीतिक तनावका बीच यहाँका एक किसान अचानक चर्चामा आएका छन् । बुजुर्ग माजिद मीर नाम गरेका एक किसान सामाजिक सञ्जालमा चर्चित बनेका छन् । कारण, उनको अनुहार र हाँसो बलिउड अभिनेता अक्षय कुमारसँग मिल्यो । उनको तस्बिर हेर्दा धेरैलाई लाग्छ कि, उनी वास्तविक अक्षय कुमार नै हुन् । अक्षय कुमारको जुम्ल्याहा जस्तै देखिने मीरको सोही तस्बिर अहिले भाइरल बनेको हो । बुधबार उनको फोटो एबीपी न्युजका पत्रकार आशिष सिंहले ट्वीटरमा पोस्ट गरेका थिए ।

तस्बिरको साथमा उनले ट्वीटरमा लेखेका थिए, ‘कश्मीरमा सुनिल गावस्करका फ्यान माजिद मीरसँग भेट भयो । उनी हरेक दिन यो ह्याट पहिरिन्छन् ।’ ट्वीटर प्रयोगकर्ताले भने उनको त्यो तस्बिरसँगै अक्षय कुमारको तस्बिर ट्याग गर्दै पोस्ट गर्न थाले । धेरैजसोले उनलाई ‘अध्यक्ष कुमारका जुम्ल्याहा !’ भन्दै शेयर गरेका थिए । तीमध्ये एकजनाले त ‘उनी सुनिल गवास्करका फ्यान कम र कक्षय कुमारका भाइ बढी देखिन्छन्’ भन्दै ठट्टा गरेका थिए ।