महासंघको भवन निर्माणकालागि केन्द्रिय सदस्य गिरीद्धारा रु.५१ हजार १११ सहयोग


कावासोती । नेपाल पत्रकार महासंघ नवलपरासी पूर्वी शाखाको भवन निर्माणका लागि प्रेेस संगठन नेपालका केन्द्रिय सदस्य बिद्रोही गिरीले ५१ हजार १११ रुपैया सहयोग गर्ने घोषण गर्नु भएको छ । केन्द्रिय सदस्य गिरी र उहाँकी श्रीमती नेपाल पत्रकार महासंघ केन्द्रीय पार्सद विना न्यौपानेले ५१ हजार १११ रुपैया सहयोग गर्ने घोषणा गर्नुभएको हो । नेपाल पत्रकार महासंघ नवलपरासी पूर्वको प्रथम साधारण सभाका क्रममा केन्द्रिय सदस्य गिरीले महासंघको जिल्ला भवन निर्माणकालागि बुबा कृष्णराज गिरी तथा ससुराको स्मृतीमा भवन निर्माणमा सहयोग गर्ने घोषणा गर्नुभएको हो ।
पत्रकार महासंघ नवलपुरको भवन नहुदा यहाँ समस्या रहदै आएको भन्दै जग्गा व्यवस्थापन पछी भवन निर्माणको कार्यमा सहयोग पुर्याउने उद्येश्यले सहयोगको घोषण गरेको केन्द्रिय सदस्य गिरीले बताउनु भयो । पत्रकारहरुले आफ्नो भवनमा बसेर आवश्यक कामगर्न समेत नपाएको अवस्थालाई अन्त्य गर्न आफुले ईट्टा थप्ने काम गरेको उहाँले बताउनुभयो । केन्द्रीय सदस्य गिरी कावासाेती सूचना तथा संचार केन्द्र द्वारा संचालित रेडियो कावासाेतीकाे संचालक समिति अध्यक्ष समेत रहनु भएकाे छ ।
हाल महासंघको लागि जग्गा व्यवस्थापनको काम भईरहेको र चाडै जग्गाको व्यवस्थापन पश्चात पत्रकार महासंघको भवन निर्माणको काम हुने नेपाल पत्रकार महासंघ नवलपरासी पूर्वका अध्यक्ष होमराज रानाभाटले बताउनुभयो । यस अघी अध्यक्ष रानाभाटले समेत भवन निर्माणकालागि ५० हजार रकम सहयोग गर्नु भएको छ ।

फेसबुकबाट कमेन्ट गर्नुहोस |

सम्बन्धित शिर्षकहरु
  • कावासोतीमा मोटरसाईकल दुर्घटना हुदा दुई जनाको मृत्यु
  • २५ वर्षपछि नेपाल गण्डक नहरको बृहत सरसफाई
  • कावासोतीमा लागुऔषध सहित दुई जना पक्राउ
  • भ्रष्टचार नियन्त्रणका लागि नागरिक सचेत हुनुपर्छ : प्रजिअ पंगेनी
  • © 2021: Namuna Post All Rights Reserved. Designed by: GOJI Solution