बाघको आक्रमणबाट विनयी त्रिवेणीमा एक जना घाइते

कावासोती । नवलपरासी पूर्व नवलपुर जिल्लाको बिनयी त्रिवेणीमा बाघको आक्रमणबाट एक जना घाइते भएका छन् । ईलाका प्रहरी कार्यालय विनयी त्रिवेणीका अनुसार विनयी त्रिवेणी गाउँपालिका ७ फर्सटाडी निवासी ५० वर्षिय माया योगी कुँवर घाइते भएकी हुन । घाइते कुँवरको टाउको र कम्बरमा चोट लागेको इलाका प्रहरी कार्यालय त्रिवेणीले बताएको छ ।
खेतमा बाख्रा चराउन गएको बेला उहाँलाई आइतबार बाघले आक्रमण गरेको थियो ।उनको उपचार पश्चात डिस्चार्ज भएको प्रहरीले बताएको हो । यस अघि समेत नवलपुरको विनयी त्रिवेणी , मध्यविन्दु क्षेत्रमा बाघले मानिसलाई आक्रमण गरेको थियो । बिस्तारै सेलाउदै गएको बाघको त्रास पुन फैलिएको छ ।