१३२ दिनसम्म पनि सार्वजनिक भएन प्रधानमन्त्रीको सम्पत्ति विवरण

“सार्वजनिक पद धारण गरेको व्यक्तिले त्यस्तो पद धारण गरेको मितिले र यो दफा प्रारम्भ पदमा बहाल रहेको व्यक्तिले यो दफा प्रारम्भ भएको मितिले ६० दिनभित्र र त्यसपछि हरेक आर्थिक वर्ष समाप्त भएको मितिले साठी दिनभित्र आफ्नो वा आफ्नो परिवारको नाममा रहेको सम्पत्तिको स्रोत वा निस्सा सहितको अद्यावधिक विवरण नेपाल सरकारले नेपाल राजपत्रमा सूचना प्रकाशन गरी तोकेको निकाय वा अधिकारीसमक्ष पेस गर्नुपर्नेछ,” दफा ३१ (क) को उपदफा १ मा भनिएको छ ।ऐनको यो प्रावधानअनुसार ६० दिन कार्यकाल कटेका मन्त्रीहरूले सम्पत्ति विवरण बुझाएको भनेर प्रधानमन्त्री तथा मन्त्रिपरिषद् कार्यालयको वेबसाइटमा उल्लेख छ । प्रधानमन्त्रीसहित उनी आबद्ध पार्टीकै अन्य पाँचजनाको सम्पत्ति विवरण प्राप्त भएको भनेर उल्लेख भए पनि सार्वजनिक भने गरिएको छैन ।