नवलपुर २ मा ४१ हजार ३४७ मत सहित रास्वपाका मनिस खनाल विजयी

कावासोती । प्रतिनिधि सभा निर्वाचन अन्तरगत नवलपुर क्षेत्र नम्बर २ मा राष्ट्रिय स्वतन्त्र पार्टी (रास्वपा) का मनिस खनाल ४१ हजार ३४७ मत सहित विजयी भएकाछन् ।

उनले एमालेका तिलक महतलाई २५ हजार ५९२ मत अन्तरले पारजित गरेका हुन् । महतले १५ हजार ७५५ मत प्राप्त गरि दोस्रो स्थानमा रहँदा नेपाली कांगे्रसका ओम बहादुर घर्ती १४ हजार ७१३ मत प्राप्त गर्दै तेस्रो स्थानमा रहेका छन् ।

नवलपुर क्षेत्र नम्बर २ मा ७९ हजार ८०२ मत खसेको थियो । दुई नम्बर क्षेत्रमा कुल मतको ६० दशमलब ७१ प्रतिशत मत खसेको थियो ।
दुई निर्वाचन क्षेत्र रहेको नवलपुरमा दुवैतर्फ गरि १ लाख ६४ हजार ७८८ अर्थात ६१ दशमलब ३६८ प्रतिशत मत खसेको थियो । जिल्लामा कुल २ लाख ६८ हजार ५२६ मतदाता रहेका थिए ।