नारायणी नदिमा कम्तीमा तीन वटा पुल निर्माण हुन्छ ः प्रचण्ड

ज्ञानु पंगेनी
कावासोती । नेकपाका अध्यक्ष एवम् पूर्व प्रधानन्त्रि पुष्पकमल दाहाल प्रचण्डले नारायणी नदिमा सरकारले कम्तीमा तीन वटा पुल निर्माण गर्ने बताएका छन । अहिले रहेको पुल बाहेक पनि अन्य तीन वटा पुल निर्माण गर्ने बारेमा राजनैतिक तहमा छलफल भईरहेको जानकारी दिदै अध्यक्ष प्रचण्डले अबको पा“च वर्षभित्रमा नारायणी नदिमा पानी जहाज , केरुङ्ग – काठमाण्डौ हुदै लुम्बिनीसम्मको पूर्व पश्चिम रेलमार्ग निर्माणको काम थालनी गरिसक्ने प्रतिबद्धता जनाए । यस्तै उनले हुलाकी राजमार्गको निर्माणलाई समेत तिब्रता दिदै निर्माण सम्पन्न गर्ने बताए ।
नवलपरासी पूर्वको कावासोती १७ ढोकीमा रहेको त्रिभुवन बाल माध्यामिक विद्यालयको स्वर्ण महोत्सव उद्घाटन समोरोह उद्घाटन तथा स्वर्ण स्तम्भ अनावरण कार्यक्रममा सम्बोधन गर्दै उनले सो कुरा बताएका हुन । भौतिक पूर्वाधारको दृष्किोणले र संवैधानिक आधारको दृष्किोणले अब विकासलाई गती दिनका लागि बलिया आधारशिलाहरु खडा भएकाले अब सरकारको ध्यान सम्पूर्ण रुपले देशमा आर्थिक समृद्धीको निम्ति, विकासको निम्ति केन्द्रित भएको अध्यक्ष प्रचण्डले बताए । उनले भने – ‘जलमार्गको कुरा पनि पहिलोचोटी भारतसंग समझदारी भएको छ । अब नेपालको नारायणी नदिको देवघाटसम्म छिट्टै पानी जहाज आउछ । यो कुनै हवाई कल्पना होईन , यो कुनै दिवा सपना पनि होईन । यो यथार्तमा नारायणीमा जलमार्गको रुपमा जहाज चल्छ । रेलमार्ग चल्छ र हुलाकी मार्ग पनि छिट्टै सम्पन्न हुनेछन । ’
पूर्व प्रधामन्त्रि समेत रहेका प्रचण्डले देशमा अहिले राजनैतिक स्थायीत्वको वातावरण बनाएपछि छिमेकी राष्ट्रहरुसंगको सम्बन्धमा समेत नया परिवर्तन आएको बताए । छिमेकीहरुसंगको सम्बन्धमा नया“ आयाम थपिएकाले आर्थिक विकासको बाटो खुलेको उनले जिकिर गरे । उनले भने –‘ पहिलोचोटी हाम्रो उत्तरतिरको छिमेकीले चारवटा बन्दरगाहा तेश्रो देशसंग व्यपार गर्नका लागि दिने पहिलो सहमती भएको छ । अब नेपाल भु परिवेष्ठित राष्ट्र नभई जमिनद्धारा जोडिएको देश भएको छ जुन नेपाल र नेपाली जनताको पक्षमा ठूलो परिवर्तन हो । ’ त्यस्तै केरुङ्ग काठमाण्डौ हुदै पोखरा लुम्बिनीसम्म रेलमार्गको अध्ययन जुन शुरु भएको छ त्यो नेपालको अर्थ राजनितीमा धेरै ठूलो भुमिका र महत्व राख्ने भन्दै उनले भारतसंगको सम्बन्धमा पनि धेरै सुधार आएको टिप्पणी गरे । फरक प्रशंगमा अध्यक्ष प्रचण्डले नेकपा सरकार बनेपछि वृद्ध भत्ता बढाउने भनेकोमा पहिलो वर्ष नसकेको भन्दै आगामि वर्षमा ब्याज सहित भत्ता बढाएर दिने समेत प्रतिबद्धता जनाए ।