नवलपुर ट्राफिकलाई मापसे चेक गर्ने ब्रेथलाईजर

कावासोती । केही दिन अघि मात्रै जिल्ला ट्राफिक प्रहरी कार्यालय नवलपुरमा कार्यालय प्रमुख बनेर आएका प्रहरी निरीइाक युवराज भण्डारीको पहलमा ट्राफिक प्रहरीलाई मापसे चेक गर्ने मेसिन बेथलाईजर हस्तान्तरण गरिएको छ । मापसे चेक गर्ने साधन कमी हुँदा प्रहरीले नजिकै पुगी चालकको गन्ध बाट मापसेको अवस्था छुट्याउनु पर्ने बाध्यता थियो ।
सामाजिक संस्था डोकोले ८ बटा मापसे चेक गर्ने मेसिन जिल्ला प्रमुख प्रहरी निरिक्षण युवराज भण्डारीलाई बुझाएको हो । मेसिन मार्फत चेक जाँच गर्न सहज हुने र दुर्घटना न्यूनिकरणमा समेत सहयोगी भूमिका खेल्ने भण्डारीले बताए । उनले भने, नवलपुर धेरै दुर्घटना हुने क्षेत्रमा पर्छ, केहि दुर्घटना मापसेको कारणले हुने गरेको भन्दैं यसको अवस्था पत्ता लगाउन र प्रहरीलाई चेक गर्न सहज हुन्छ ।
यस अघि ट्राफिकसँग ३ बटा मात्र बेथलाईजर रहेको थियो । जसबाट काम गर्न कठिन भएको प्रहरीको भनाई छ । सामाग्री हस्तान्तरण गदैं प्रहरीलाई काम गर्न सहज होस् र दुर्घटना न्यूनिकरणमा समेत सहयोग पुगोस् भन्ने उदेश्यले सामाग्री हस्तान्तरण गरिएको दिनेश कंडेलले जानकारी दिए । उनले भने, केहि समयपछि थप अन्य सामाग्री समेत प्रदान गर्ने छौं ।
ट्राफिक प्रमुुखको पत्रकारसँग छलफल
केहि दिन अगाडी मात्र जिल्ला ट्राफिक प्रहरी कार्यालय नवलपुरको प्रमुखको रुपमा सरुवा भई आएका युवराज भण्डारीले नवलपुर क्षेत्रका पत्रकारसँग अन्तरक्रिया गरेका छन् । जिल्लामा हालदेखिएका समस्या र त्यसको समाधानको बाटो खोज्ने उदेश्यसहित अन्तरक्रिया तथा परिचयात्मक कार्यक्रम गरिएको हो ।
कार्यालय परिसरमा आयोजना गरिएको कार्यक्रममा पत्रकारहरुले जिल्लामा ठूलो मात्रामा दुर्घटना हुने गरेको भन्दै यसको नियन्त्रणको लागि ठोस कदम चाल्न सुझाब दिएका छन् । कार्यालय प्रमुख भण्डारीले आफ्नो कार्याकालमा जिल्लामा थप नयाँ कार्यक्रमको सुरुवात हुने बताए । उनले, भने सानो संख्याको प्रहरीले ठूलो क्षेत्र हेर्नुपर्ने बाध्यता रहेको भन्दै साधन श्रोतको समुचित प्रयोग गरि परिणाम दिने प्रतिबद्धता व्यक्त गरे । कार्यक्रममा जिल्लामा रहेको विभिन्न संचारमाध्यममा काम गर्ने पत्रकारहरुको सहभागिता रहेको थियो । यस अगाडीका कार्यालय प्रमुख लक्ष्मण बहादुर शाही सरुवा भएपछि भण्डारी नवलपुरमा कार्यालय प्रमुखको रुपमा हाजिर भएका हुन् ।