आजदेखि कावासोतीमा मेयर कप फुटबल सुरु हुँदै

कावासोती । नवलपुरको कावासोती नगरपालिकाको आयोजनामा आजदेखि प्रथम मेयर कप फुटबल प्रतियोगिता सुरु हुँदैछ । आजदेखि सुरु हुने मेयर कपमा कावासोती नगरका १७ वटै वडाको सहभागिता रहेको जिल्ला फुटवल संघ नवलपरासीका अध्यक्ष सेतमान पुनले बताए । आजको उद्घाटन खेलमा कावासोती नगरपालिका वडा नं. ४ र वडा नंबर १६ दिउसो १ बजे कावासोती ३ मा रहेको राम मन्दिर चौरमा भिड्नेछन् । पुस २ गते सम्म सञ्चालन हुने मेयर कपमा प्रथम हुनेले ७५ हजार, द्धितिय हुनेले ४० हजार र सेमिफाइनलमा पराजित हुने दुई टिमलाई १०÷१० हजार नगद पुरस्कार प्रदान गरिने आयोजकले जनाएको छ ।
नवलपरासी जिल्ला फुटबल संघको प्राविधिक सहयोगमा कावासोती मैदान निर्माण उपभोक्ता समितिको सहआयोजना र न्यु भानु आदर्श युवा क्लवको संयोजनमा प्रतियोगिता हुन लागेको हो ।