मध्यरातमा नवलपुर प्रहरीको छापा ,१ लाख ३३ हजार सहित ९ जुवाडे पक्राउ

कौडा खेलाउने  फरार

कावासोती । पूर्वीनवलपरासी जिल्लाको मध्यविन्दु नगरपालिका–४, मदनपुरबाट नवलपुर प्रहरीले शुक्रबार मध्यरातमा ९ जना जुवाडेलाई रंगेहात पक्राउ गरेको छ । नवलपुर प्रहरी प्रमुख रमेश थापाको अनुसार कौडा खेलिरहेको अवस्थामा प्रहरीले नगद १ लाख ३३ हजार नगदसहित प्रकाउ गरेको हो ।
पक्राउ पर्नेमा कावासोती नगरपालिका–१६ का ३८ वर्षीय अर्जुन गिरी, २० वर्षीय एनिस गिरी, ४३ वर्षीय नेत्रबहादुर महतो, मध्यविन्दु नगरपालिका ३ का ४३ वर्षीय तीलकराम महतो र पश्चिम नवलपरासी बर्दघाट नगरपालिका ४ का ४० वर्षीय दीपक भण्डारी छन् । त्यस्तै, बर्दघाट १४ का ३५ छविलाल शर्मा, बर्दघाट १५ का २८ वर्षीय लालबहादुर तमाङ्ग, चितवनका ३५ वर्षीय श्यामबहादुर श्रेष्ठ र लमजुङ घर भई चितवनको भरतपुर महानगरपालिका–११ बस्ने २४ वर्षीय कविता गुरुङलाई पनि प्रहरीले समातेको छ । पक्राउ परेका ९ जनालाई जिल्ला प्रहरी कार्यालयमा राखिएको छ । स्थानिय स्रोतका अनुसार जुवा खेलाउने केही ब्यक्त्ति फरार रहेको बताएका छन् ।