नमुना पोष्टप्रकाशित मिति: २०७५ पौष ११, बुधबार (४ साल अघि)
काठमाडौं । नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले स्थायी कमिटीमा बुधबार दिएको जवाफले ‘राजा महेन्द्र’को झल्को दिएको छ ।
उनी राष्ट्रवादी जस्तो चरित्र र प्रधानमन्त्री बनाउने पार्टीको निर्णय प्रधान हुनुपर्ने कसीमा उभिए । यस्तो संस्कार वा बानी राजा महेन्द्र शाहमा मात्र थियो । राजा महेन्द्र कुनै पनि प्रजातान्त्रिक देशको भ्रमणका क्रममा त्यस देशका प्रधानमन्त्री नभई उनका पार्टीका अध्यक्षलाई भेट्ने गर्थे । र, सरकारसँग हुने सम्झौताका विषयमा मिहिन छलफल गर्थे ।
स्रोतका अनुसार पार्टी एकीकरण नगर्न दबाब र धम्की पाएको, जोखिम मोलेर एकीकरण गरी अघि बढेको पृष्ठभुमी केलाएका प्रचण्डले भने,‘सरकारले पनि पार्टीका निर्णयका आधारमा चल्नुुपर्छ, सरकारले पार्टीलाई निर्देशित गर्न मिल्दैन ।’
स्थायी कमिटीमा उठेको एसीया प्यासिफिक सम्मेलनको विरोधको सवालमा उनले भने,‘कहिलेकाहीँ कतै चुक्न सकिन्छ, त्यसमा आफैंबाट विरोध होइन संश्लेषण गर्न आवश्यक छ । हामी कहाँ चुक्यौं, कहाँ बन्यौं भन्ने विषयमा निर्णित हुन सक्नुुपर्छ ।’
उनले नेता बामदेव गौतमले राखेको एकल अध्यक्षात्मक नेतृत्वका विषयमा सकारात्मक संकेत गरे । स्रोतका अनुसार पार्टीलाई थप बलियो बनाउनका लागि एक–एक जिम्मेबारी नै सही हुने तर्क प्रचण्डले गरेका थिए । यसको अर्थ, गौतमले उनलाई मात्र अध्यक्षको जिम्मेबारी दिनुपर्छ भन्ने प्रस्तावको सांकेतिक समर्थन थियो ।
उनको यो संकेत पार्टीको बहुमतको निर्णयका आधारमा नै सरकारका निर्णय हुनुपर्ने भन्ने थियो । वा, पार्टी हाइकमान्डको निर्णयका आधारमा नै सरकारी कदम चल्नुपर्छ भन्ने हुनसक्छ ।
प्रचण्डले सरकारको आलोचना भन्दा पनि बचाऊ गरी सहयोग गर्नका लागि स्थायी कमिटी सदस्यलाई आह्वान गरेका छन् । सुधारका लागि सुझाव पनि दिएका छन् ।
ति सुझावसहित सरकार सफल बनाउनका लागि नेकपाले एउटा कार्यदल बनाउने तयारी गरेको छ । अर्का अध्यक्ष तथा प्रधानमन्त्री केपी शर्मा ओलीले विहीबार जवाफ दिनेछन् ।
dainiknepal.com मा समाचार छ।
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
