डण्डा – कोल्हुवा सडक तत्काल मर्मत गर

कावासोती । कावासोती नगरपालीकाको डण्डा हुदै कोल्हुवा जाने सडकको अहिले हरिबिजोक भएको छ । पक्कि सडकमा नै खाल्टै खाल्टो भएपछि त्यो सडकमा दुर्घटना चुनौती थपिएको छ । नवलपुरको पर्यटकीय स्थल जाने सडक भरी नै यसरी खाल्टै खाल्टा हुदा पर्यटकहरुले समेत हईरानि खेप्नु परेको छ । दैनिक पर्यटक हिड्ने डण्डा, कोल्हुवा पनौती सडकखण्ड ठाउ ठाउमा भत्किएर दुर्घटना निम्त्याउने कारण मात्रै बनेको छैन । आसपासका स्थानीय पनि हिउदमा धुलो अनि वर्षामा हिलो हुदा समस्यामा परेका छन । कावासोती १६ डण्डा हुदै मध्यविन्दु नगरपालिका कोल्हुवा र पनौतीसम्म पुग्ने भित्री मुख्य सडक खण्डका रुपमा रहेको यो सडक भत्किएर दुर्दशा भएकै ६ वर्षभन्दा बढि हुदा समेत उचित मर्मत सम्भार हुन सकेको छैन । जसले यहा दुर्घटनामा धेरैको जीउधनको क्षती समेत भईसकेको छ । सामान्य बर्षा हुदा हिलाम्मे र हिउदमा धुलाम्मे हुने सो सडकले धेरैलाई सास्ती दिएको छ । डण्डा, पनौती सडकखण्ड अन्र्तरगत कावासोती १६ र कावासोती १४ को कालोपत्रे अधीकांश ठाउमा भत्कीएर ठूला ठूला खाल्डा बनेको छ । भने कावासोती १७ डेरी चोक देखी मध्यबिन्दु ३ चौराहासम्म कालोपत्रे गर्ने भनिएको भए पनि काम भने हुन सकेको छैन । कच्चीबाटो खाल्डाखुल्डी र धुलोले स्थानीय हैरान भएका छन । अहिले त्यो बाटोको अवस्था त ज्यादै दयनिय भएको छ । गाडी लिएर हिड्दा पनि कता कुन खाल्डोमा पर्ने हो र दुर्घटना हुने हो भन्ने चिन्तै चिन्तामा चलाउनुपर्छ । साना ठूला सवारी , साईकल मोटरसाईकल स्कुटी चलाउने सबैले खाल्डो जोगाएर माथी माथीबाट हिड्छन जसले गर्दा आपसमा ठोकिएर वेला वेलामा दुर्घटना हुदै आएको छ । सडक छेउछाउमा ब्यापार, ब्यवसाय गर्नेहरु समेत बाटोको समस्याले सास्ती बेहोर्दै आएका छन । ‘कालोपत्रे सबै उप्कियो दिनभर धूलो उडेर पसलमा र घरमा पस्छ । सामानभरी धुलै धुलो हुन्छ । ग्राहकले धुलो देखेसी लैंजान खोज्दैनन । ’ गत वर्षको निर्वाचनको समयमा चुनाबमा जित्दा बित्तिकै बाटो मर्मत र कालोपत्रे गर्ने आश्वासन दिएका जनप्रतिनिधीहरुले एक वर्ष बितिसक्दा पनि बाटो बनाउने तर्फ ध्यान दिएका छैनन् । स्थानियले सम्बन्धित निकायलाई पनि पटक पटक कुरा राख्दा समेत बाटोको मर्मत भएको छैन् । जनप्रतिनिधीहरुलाई पनि चुनाबताका गरेको आश्वासन पुरा गरेका छैनन् । अब कसलाई भन्ने ?अनि कसले गर्ने भन्ने चिन्ता स्थानियमा छ । यो चिन्तालाई सामाधान गर्ने भनेकै यँहाका जनप्रतिनिधिको हो त्यसैले यो क्षेत्रको बाटो मर्मतमा सम्बन्धित ध्यान गई तत्काल बाटो मर्मत गनुपर्ने देखिएको छ ।
२०७५/१०/२ गतेको नमुना सन्देश साप्ताहिकमा सम्पादकीयबाट ।