कावासोतीको विष्णुनगरमा माघ २३ गते देखि धनधान्याञ्चल

बिष्णु गौडेल
कावासोती । प्राविधिक शिक्षा सञ्चालनार्थ जनता मावि कावासोती ६ विष्णुनगरमा श्रीमद्भागवत धनधान्याचल ज्ञान महायज्ञ सञ्चालन हुने भएको छ । विधालयमा प्राविधिक शिक्षा सञ्चालनका लागि यहि माघ २३ गते देखि फागुन २ गते सम्म धनधान्याचल ज्ञान महायज्ञ सञ्चालन गर्न लागिएको हो । वि।सं। २०११ सालमा स्थापना भइ वि।सं। २०४६ साल देखि माध्यमिक तह र वि।सं।२०६७ सालमा उच्च मावि कक्षा सञ्चालन भएको विधालयमा समयानुकुलका शिक्षा प्रदान गर्नका लागि धनधान्याचलन महायज्ञ सञ्चालन गर्न लागिएको यज्ञ मूल समारोह समितिका संयोजक हुमलाल सुवेदीले जानकारी दिनु भयो । पुर्व पश्चिम राजमार्ग देखि साढे ३ किलोमिटर उत्तर तर्फ रहेको विधालयमा जिल्लामा नै नमुना हुने गरि प्राविधिक शिक्षा सञ्चालन आवश्यक रहेको हुदा आर्थिक संकलन सहयोगार्थ धनधान्याचलन ज्ञान महायज्ञ आयोजना गरिएको विधालय व्यवस्थापन समितिका अध्यक्ष झबिन्द्र काफ्लेले वताउनु भयो । बाल कक्षा देखि कक्षा १२ सम्म अंग्रेजि र नेपाली माध्यममा कक्षाहरु सञ्चालन हुने यस विधालयमा हाल ६ सय ६४ जना विधार्थी अध्ययनरत रहेको विधालयका प्रधानाध्यापक घनश्याम भुसालले जानकारी दिनु भयो । धान्याञ्चलमा प्रखर युवा वाचक श्रीचैतन्यकृष्णज्यूको प्रमुख वाचकत्वमा दैनिक धार्मिक कार्यहरु सञ्चाल हुने जनाइएको छ । यहि माघ २३ गते कलश यात्रा सहित उद्घाट हुने धनधान्याञ्चलको तयारी समेत भइ रहेको छ। यज्ञ स्थल निर्माण देखि पत्राचारको कार्य भइरहेको मुल समारोह समितिका सहसयोजक शिवप्रसाद भट्टराइले जानकारी दिनुभयो ।