धौवादीमा बन्द भएको हावाबाट बिजुली संचालन गरिने

दयाराम आचार्य

कावासोती । नवलपरासीको हुप्सेकोट गाउपालिका –५, धौवादीमा मर्मत अभावमा बन्द अवस्थामा रहेको हावा बाट बिजुली निकालीएको विद्युत केन्द्र पुनः संचालन गरिने भएको छ ।लामो समय सम्म मर्मत नहुदा बन्द अवस्थामा रहेको विद्युत केन्द्र पुन संचालनमा ल्याउन लागिएको हुप्सेकोट गाउपालिका प्रमुख प्रशासकिय अधिकृत हरि पंगेनीले जानकारी दिए । विद्युत केन्द्रमा रहेका बेट्रि र टर्वाइनमा समस्याआए पछि लामो समय देखी बिजुली उत्पादन बन्दभएको छ । गाउ“पालिकाले बेट्रि मर्मतका लागि बिराटनगर पठाएको र प्रदेश सरकारले यसलाई व्यवस्थित रुपमा चलाउन रु चालिस लाख विनियोजन गरेको समेत प्रमुख प्रशासकिय अधिकृत पंगेनीले जानकारी दिए । उनका अनुसार भौतिक पूर्वधार मन्त्रालयले यसलाई व्यवस्थित र पूर्ण क्षमतामा संचालनकालागि वजेट विनियोज गरेको छ । चालु आर्थिक वर्ष भित्रमा बन्द अवस्थामा रहेको हावाबाट विजुलीको मर्मत गरि संचालन गरिने छ ।
वि.स . २०६८ साल पुसमा एसियाली विकास बैकंको आर्थिक तथा प्राविधिक सहयोगमा पाईलट प्रोजेक्टको रुपमा धौवादीमा हावाबाट बिजुली निकालीएको थियो । करीब २ करोड बढीको लागतमा संचालनमा आएको परियोजना मर्मत अभावमा वन्द अवस्थामा रहेको छ । हावाबाट १०किलोवाट र सोलार बाट २ गरी १२ किलोवाट क्षमताको यो केन्द्र ममर्त सम्भार हुन नसक्दा बन्द अवस्था रहेको छ । हावाबाट विद्युत उत्पादनका लागि ५ /५ किलो वाटका दुईवटा टर्वाइन राखिएको छ । मर्मतको अभावले टर्वाइनले समेत काम गर्न छाडेको छ । राष्ट्रिय प्रशारको विद्युत लाईन नपुगेको पहाडी क्षेत्रका वासिन्दले हावाबाट बिजुली निकाली वितरण गरिएकोमा बिजुली उत्पादन रोकिए पछी वैकल्पिक रुपमा कतिपय स्थानियले सौर्य उर्जा जडान गरेका छन् । हावाबाट बिजुली उत्पादन हुदा शुरुमा यहाका स्थानियले सहजै रुपमा विद्युतीय सामाग्रि प्रयोग गर्न पाएका थिए । अहिले केन्द ्नै वन्द हुदा समस्या भएको स्थानिय गमबहादुर राना मगरले बताए । हावाबाट उत्पादन गरिएको बिजुली यहाका ४२ घर धुरी र धौवादीमा रहेको इलाका प्रहरी कार्यालयले उपभोग गर्दै आएका थिए ।