पाल्पा रामपुरबाट जन्ती बोकेर कावासोती आउदै गरेको बसले ठक्कर दिदा ४ वर्षिय वालकको मृत्यु

नारायण प्रभु
कावासोती । पूर्बि नवलपरासीको कावासोतीमा जन्ती बोकेको बसले ठक्कर दिदा ४ वर्षिय वालकको मृत्यु भएको छ । कावासोती २ मालपोत चोकमा जन्ती बोकेको बसले ठक्कर दिदा ४ बर्षिय बालकको मृत्यु भएको हो ।
आज (शनिबार) बिहान कावासोती २ को भित्रि सडक खण्ड पञ्चकन्या चोकबाट पुर्व तर्फ जाँदै गरेको ना ५ ख ८०४३ नम्बरको बसले सोही ठाउँका ४ वर्षका सिजन गोतामेलाई ठक्कर उनको मृत्यु भएको हो । बसको ठक्करबाट घाइते भएका गोतामेको उपचारको क्रममा भरतपुर अस्पतालमा मृत्यु भएको नवलपुर प्रहरीले जनाएको छ ।
पाल्पा रामपुरबाट बिवाह सकि कावासोती दुलही लिएर आउने क्रममा दुर्घटना भएको हो । बस द्रुतगतिमा रहेको कारणले दुर्घटना भएको नवलपुर प्रहरीले जनाएको छ । ठक्कर दिने बस र चालक नवलपुर प्रहरीको नियन्त्रणमा छ ।