कावासोतीको नवदूर्गा सामुदायीक वनमा उद्घोषण तालिम सुरु


कावासोती । महिलाहरुका लागि पाच दिने उद्घोषण तालिम नवलपुरको कावासोती दुई भाट्टोलामा शुक्रवारबाट सुरु भएको छ । नवदूर्गा सामुदायीक बन उपभोक्ता समूहको आयोजना सामुदायिक बनका महिला उपभोक्तालाई तालिम संचालन भएको हो । तालिमको कावासोती नगरपालिका वडा नम्बर दुईका अध्यक्ष लक्ष्मी प्रसाद पौडेलले उद्घाटन गरेका छन । तालिमको उद्घाटन शत्रमा बोल्दै प्रमुख अतिथी समेत रहेका पौडेलले बन समूहले तालिमको आयोजना गरेर महिलाहरुको क्षमता बृद्धिका लागि सह्रानिय काम गरेको बताए । उनले तालिमबाट सिकेका ज्ञानलाई व्यवहारमा उतार्न सहभागि महिलाहरुलाई सुझाव दिए । समूहमा आबद्ध रहेका महिलाहरुको नेतृत्व र क्षमता अभिबृद्धि गर्ने उदेश्यले तालिमको आयोजना गरिएको बन समूहका अध्यक्ष कृष्ण वहादुर ठाडाले बताए । बन समूहमा आठ वटा आमा समूह रहेका छन । ती समूहका महिलाहरुलाई कहि कतै कार्यक्रममा सहभागि भएर भाषण गर्नुपर्दा वा समूहकै कार्यक्रम संचालन गर्नुपर्दा प्रारम्भिक कुराका बारेमा पनि जानकारी नभएको गुनासो आएकाले पहिलो पटक यसरी महिलाहरुका लागि तालिमको आयोजना गरिएको अध्यक्ष ठाडाले बताए । कार्यक्रममा वडा नम्बर दुईका वडा सदस्य झमन सिंह कानुङ्ग , महिला वडा सदस्य भुमा सिंजाली , लगायत विभिन्न सामाजिक व्यक्तित्व र संघसंस्थाका प्रतिनिधीहरुको सहभागिता रहेको थियो । तालिमको पहिलो दिन ज्ञानु पंगेनीले सहजीकरण गरेकी थिईन । चैत पाच गते सम्पन्न हुने तालिमको प्रमुख प्रशिक्षकको रुपमा राजेश सोनाम रहेका छन ।तालिममा ४० जना महिलारुहको सहभागिता रहेको छ ।

फेसबुकबाट कमेन्ट गर्नुहोस |

सम्बन्धित शिर्षकहरु
  • दुम्किबासबाट लागुऔषध सहित पोखराका निरज पक्राउ
  • कावासोती नगरपालिकाको आठौँ नगरसभा सम्पन्न
  • जिल्ला युवा समिति नवलपुरको अध्यक्षमा हिमाल सिंह ठकुरी
  • मैनाघाट जोड्ने पक्की पुल निर्माण हुदै
  • © 2021: Namuna Post All Rights Reserved. Designed by: GOJI Solution