प्रधामन्त्री ओली कावासोती आउने / बैशाख ७ गतेलाई मिति सर्‍यो

कावासोती । प्रधामन्त्री केपी शर्मा ओली कावासोती आउने मिति बैशाख ७ गतेलाई सारिएको छ । यस अघि बैशाख तिन गते कावासोती आउने कार्यक्रम रहेको भए पनि कार्यक्रम ब्यवस्थापनको लागी र प्रधानमन्त्रिको सुरपश्चिममा बैशाख ३ गते नै कार्यक्रम परेपछि कावासोती आउने कार्यक्रम सारीएको प्रतिनिधि सभा सदस्य तिलक महतले बताएका छन् ।
नवलपुरको सदरमुकामका रुपमा रहेको कावसोतीमा आवश्यक सरकारी कार्यालयहरू एकिकृत रुपमा स्थापनाको लागी शिलन्यासका गर्ने प्रधामन्त्री केपी शर्मा ओली बैशाख ७ गते आउने प्रतिनिधि सभा सदस्य तिलक महतले बताए । केही समय अघिमात्र नेपाल सरकारको नाममा ल्याइएको कावासोती तीन स्थित चौरमा जिल्लामा आवश्यकपर्ने सरकारी कार्यालयहरू स्थापना हुने भएका छन् । एक सय ७९ बिघा क्षेत्रफलमा फैलिएको यस क्षेत्रमा स्थानीय,प्रदेश र संघ अन्र्तगतका कार्यालयहरू स्थापना गर्ने योजना अनुसार प्रधानमन्त्री केपी शर्मा ओली शिलन्यासका लागि कावासोती आउने कार्यक्रम समेत तय भएको छ ।
व्यवस्थित र एकिकृत रुपमा सबै सरकारी कार्यालयहरू निर्माण गर्ने लक्ष अनुरुप योजना बनेको प्रतिनिधि सभा सदस्य तिलक महतले जानकारी दिए । नमूना नवलपुर सदरमुकाम निर्माणका लागि योजना तयार पारिएको उनले बताए । एकिकृत रुपमा कार्यालय व्यवस्थापन गर्दा नागरिकहरुले एकै स्थानबाट सबै सेवाहरू सहज रुपमा लिन सक्ने प्रतिनिधि सभा सदस्य महतले बताए । एक सय ७९ विघा क्षेत्रफलमा फैलिएको यस क्षेत्रमा विभिन्न स्थानीय,प्रदेश र संघका कार्यालय स्थापनाका लागि क्षेत्रहरू निर्धारण गरिएको छ । प्रधामन्त्री केपी शर्मा ओली आफैले व्यवस्थित रुपमा कार्यालय स्थापनका लागि नक्शा कोर्नुभएको बताउदै सोही आधारमा प्राविधिकहरुले नक्साहरू तयार पारिरहेको प्रतिनिधि सभा सदस्य महतले जानकारी दिए । नमूना सदरमुकाम निर्माणका लागि कार्यालयहरू सोही अनुसार स्थापना गरिने,दुई हजारसम्म मानिस अट्ने सभाहल, व्यवस्थित पार्किङ , चमेना गृह, पार्क,कभर्डहल, सहितका संरचना निर्माण गर्ने गरी योजना बनाउने काम भएको उनले बताए । ‘नयां जिल्लाको रुपमा विकास हुँदै गएको यस नवलपुरको सदरमुकामलाई सदमुकाम मात्रै नभई नमूना सदरमुकाम बनाउन लागेका छौं’ प्रतिनिधि सभा सदस्य तिलक महतले भने – व्यवस्थित र आधुनिक तरिकाले कार्यालय देखी अन्य आवश्यक संरचना निर्माण गर्ने लक्ष रहेको छ ।
शिलन्यास कार्यक्रमका दिन बैशाख    सात गते      केपी शर्मा ओली दिउसो १२ बजे आउने कार्यक्रम रहेको छ । प्रधानमन्त्री सहित राष्ट्रिय सभा अध्यक्ष, अर्थमन्त्रि , भौतीक पुर्बधार मन्त्रि र गण्डकी प्रदेशका मुख्यमन्त्री आउने कार्यक्रम रहेको छ । प्रधामन्त्री ओलीले नमूना सदरमुकाम निर्माण स्थलमा नवलपुर जिल्लालाई चित्रण गरिएको स्तम्भको शिलन्यास गर्नु छन् । इन्जिनिएर पवन रुपाखेतीले तयार पारेको प्रारम्भिक स्तम्भको खाका अनुसार स्थम्भमा ८ खण्ड रहनेछछ् । आठ खण्डले जिल्लाका आठ वटा स्थानीय तहको प्रतिनिधित्व गर्ने छ । स्तम्भको माथि नेपालको झण्डा रहने छ । स्तम्भको तल्लोभागमा अग्रेजी अक्षरको एन को आकार हुने छ । यसले नवलपुरलाई जनाउने छ । एनको माथि अग्रेजी अक्षर के को आकार हुनेछ । यसले सदरमुकाम कावासोतीलाई जनाउने छ ।
हाललाई सानो प्रतिकात्म रुपमा स्तम्भ निर्माण गरिने छ । यसैको प्रधानमन्त्रीले शिलन्यास गर्ने योजना रहेको छ । जिल्लाको नमूना सदरमुकाम स्थलको शिलन्यास कार्यक्रम भएकाले व्यापक जनसहभागिताका लागि कार्यक्रमको विषयमा छलफल भइरहेको जिल्ला समन्वय समितिका अध्यक्ष चेसराम आलेले बताए । यसका लागि अहिले पत्रचारको तयारी र अन्य व्यवस्थापनमा आफूहरू जुटिरहेको उनले बताए । जिल्लाकै गौरवको विषय भएकाले उनले शिलन्यास कार्यक्रम बैशाख ७ गतेका दिन सबै जिल्लाबासीलाई उपस्थितिका लागि समेत आग्रह गरेका छन् ।