फेरी ठुलो टिपर आतंक: बुटवलमा टिपरले बाबु-छोरीलाई ठक्कर दिँदा छोरीको घटनास्थलमै मृत्यु

बुटवल : बुटवलको जितगढीमा टिपरको ठक्करबाट एक युवतीको मृत्यु भएको छ। बुटवल उपहानगरपालिका-१२ तामनगर बस्ने १९ वर्षीया पुष्पा भण्डारीको मृत्यु भएको प्रहरीले जनाएको छ।बुवासँगै घर जाँदै गरेकी पुष्पालाई टिपरले जितगढीमा ठक्कर दिएको हो।

बुटवलबाट पश्चिमतर्फ जाँदै गरेको लु ४५ प ७२३४ नम्वरको मोटरसाइकलमा सवार भण्डारीलाई बुटवलबाटै पश्चिमतर्फ जाँदै गरेको टिपरले ठक्कर दिएको जनाइएको छ ।बुवा घनश्याम भण्डारीले मोटरसाइकल चलाएको र छोरी पुष्पा मोटरसाइकलको पछाडि बसेको अवस्थामा टिपरले उनीहरूलाई पछाडिबाट ठक्कर दिएको थियो ।

टिपरको ठक्करबाट छोरी पुष्पाको घटनास्थलमै ज्यान गए पनि बुवा घनश्याम भने सामान्य घाइते भएको प्रहरीले जनाएको छ ।प्रहरीले ठक्कर दिएको आशंकामा लु २ ख १९०३ र लु १ ख ६२३३ नम्वरको टिपरलाई नियन्त्रणमा लिएर अनुसन्धान गरिरहेको जनाएको छ । ताजाखबर बाट