भर्खरै गयो ठुलो ६.१ म्याग्निच्यूडको शक्तिशाली भूकम्प, के छ क्षतिको अवस्था (हेर्नुहोस)

काठमाडौं । फानी नामक आँधी हुरीले नेपाल, भारतसहित बिश्वको बिभिन्न देशमा वितण्डा मच्चाईरहेको बेला फेरी सिड्नीमा रहेको सोलोमोन द्वीपमा शुक्रबार ६.१ म्याग्निच्यूडको शक्तिशाली भूकम्प गएको छ ।

रहेको सोलोमोन द्वीपमा शुक्रबारबुआलाबाट एक सय ४५ किलोमिटर उत्तरपूर्व रहेको स्थानमा भूकम्प गएको अमेरिकी भौगर्भिक सर्भेले जनाएको छ । भूकम्पपछि भएको जनधनको क्षतिको विवरण आउन बाँकी रहेको छ ।

त्यस्तै शुक्रबार बिहान ८ बजे पूर्वी भारतको उडिसा राज्यको तटमा प्रहार गरेको समुद्री आँधी फानी हाल विस्तारै उत्तर–पूर्वतर्फ बढिरहेको छ । जमिनमा प्रहार गर्ने समयमा करिब २ सय किलोमिटर प्रतिघण्टाको गतिमा आएर विस्तारै कमजोर बन्दै गइरहेको फानी हाल १ सय ६० किलोमिटर प्रतिघण्टाको गतिमा पश्चित बंगालतर्फ बढिरहेको हो ।

आँधीले हाल उडिसा, पश्चिम बंगाल, आन्ध्र प्रदेश राज्यमा भीषण वर्षा गराइरहेको छ भने आँधीले ल्याएको बायुबाट नेपाल र बंगलादेशका भू–भागसहित पूर्वी भारतीय राज्यहरु बिहार, झारखण्ड लगायतका क्षेत्रमा पनि वर्षा भइरहेको छ । उडिसा राज्यका मुख्यमन्त्री नवीन पटनायकले आँधी प्रभावित क्षेत्रका मानिसहरुलाई घरभित्रै रहन अपिल गरेका छन् ।

आँधीले उडिसा राज्यका ठाउँठाउँमा रुख, बिजुलीका खम्बा तथा अन्य पूर्वाधार ढालिदिएको छ । आँधीका कारण आन्ध्र प्रदेश तथा उडिसा राज्यका तटीय क्षेत्रमा रहेका पुराना भवनहरु केही पूर्ण रुपमा तथा केही आंशिक रुपमा क्षतिग्रस्त भएको जनाइएको छ । त्यस्तै, पूर्वी भारतका आँधी प्रभावित क्षेत्रका सरकारी कार्यालय, विद्यालय, रेलसेवा, हवाई उडान ठप्प छन् । पूर्वाधारमा क्षति पुगेपछि त्यहाँ अधिकांश स्थानमा विजुली बलेका छैनन् भने टेलिफोन, मोबाइल सेवा पनि बन्द छन् ।

आँधीबाट हालसम्म कम्तिमा १ जनाको मृत्यु भएको पुष्टि भएको छ । उडिसा राज्यको पुरी शहरमा रहेको सखिगोपाल क्षेत्रमा रुखले किचेर १ जनाको मृत्यु भएको भारतको अल इण्डिया रेडियोले जनाएको छ । त्यसबाहेक आँधी प्रभावित क्षेत्रका मानिसहरुलाई आँधी आउनु अघि नै सुरक्षित स्थानमा सारिएकाले आँधीबाट ठूलो मानवीय क्षति नभएको बताइको छ ।

त्यस्तै, आँधी प्रभावित क्षेत्रमा सयौं उद्धार तथा राहतकर्मी परिचालन गरिएको छ । उडिसा, पश्चिम बंगाल र आन्ध्र प्रदेशमा नेशनल डिजास्टर रेसपन्स फोर्स (एनडीआरएफ)का जवानहरु परिचालन गरिएको र उनीहरुले उद्धारको कामलाई तीब्रता दिएको भारतीय सञ्चारमाध्यमले जनाएका छन् ।

आम चुनावको सरगर्मी चढिरहेका बेला आँधी आएपछि केही उम्मेद्वारहरुले आफ्नो चुनावी अभियान स्थगित गरेको घोषणा गरेका छन् । पश्चिम बंगाल राज्यकी मुख्यमन्त्री ममता बनर्जीले आँधीलाई मध्यनजर गर्दै आफ्नो चुनावी अभियान ४८ घण्टाका लागि स्थगित गरिएको घोषणा गरेकी हुन् ।

उता सरकार र विद्रोही सेनाबीच भएको युद्धमा परी ३ सय ९२ जनाको मृत्यु भएको छ । संयुक्त राष्ट्रसंघको समर्थन रहेको लिबिया सरकार र पूर्वी क्षेत्रमा सक्रिय जनरल हफ्तारका विद्रोही सेनाबीच केही समयदेखि जारी भीषण संघर्षका कारण लिबियामा कम्तीमा ३ सय ९२ जनाको मृत्यु भएको छ ।

१ हजार ९३६ जना घाइते भएको विश्व स्वास्थ्य संगठनले जानकारी दिएको छ । करिब ५० हजार सर्बसाधारण विस्थापित भएका छन् । लिबियामा सन् २०११ मा मुअम्मर गद्दाफीको शासन पतन भएसँगै विभिन्न समूहबीच जारी सशस्त्र संघर्षका कारण संक्रमणकालीन स्थिति जारी रहेको छ ।– संचारकेन्द्र