कावासोती । ७ बुँदे कावासोती घोषणा पत्र जारी गर्दै प्रथम जलवायु सम्मेलन २०७६ सम्पन्न भएको छ । २ दिन सम्म नवलपुरको कावासोतिमा चलेको सम्मेलनमा बैशाख २५ गते जलवायु परिवर्तन र यसको बढ्दो अवस्थाको साथै न्युनिकरणका बिषयमा बिशेषज्ञद्धारा कार्य पत्र प्रस्तुति र टिप्पणी गरीएको थियो । उद्घाटन सत्रमा जलवायु परिवर्तनका बिषयमा जलवायु बिशेषज्ञ डा मोहन पौडेलले प्रस्तुत गर्नुभएको कार्यपत्रको टिप्पणीका आधारमा ७ बुँदे घोषणा पत्र जारी गरीएको बातावरण पत्रकार मंच नवलपुरका अध्यक्ष शालिकराम कोइरालाले बताए । घोषणा पत्रमा भनिएको छ – मानिसकै कारण वातावरणमा क्षती पुगेका कारण् न्यूनिकरणका सचेतना फौलाउनुपर्ने, स्थानीय तहको नीति तथा कार्यक्रमको साथै शिक्षामा समेत जलवायुमैत्री कार्यक्रम समाबेश गर्नुपर्ने, फोहरजन्य उत्सर्जन न्यूनीकरण गरीनुको साथै प्रशोधन मार्फत पुन प्रयोगमा ल्याउनुपर्ने, जलवायुसंग प्रत्यक्ष जोडिएका महिला,दलित,आदिवासी,किसान,सिमान्तकृत समुदाय,वन समूह,विपन्न वर्ग र नदी किनार वा जंगलको छेउछाउमा बस्ने समुदायको लागि निरन्तर अभिमुखिकरण गरीनुपर्ने बताईएको छ ।
७ बुँदे घोषणा पत्रको पुर्ण पाठ
१. मानविय कृयाकलापका कारण वातावरणीय क्षति दिनानुदिन बढेका कारण सो को न्यूनिकरणका लागि जलवायु सम्बन्धि सचेतना अभिवृद्धि गर्ने ।
२. स्थानीय तहको नीति तथा कार्यक्रममा जलवायुमैत्री गाउँ, टोल र नगरको अवधारणा अघि बढाउने ।
३. स्थानीय तहले बनाउने शिक्षा नीति र पाठ्यक्रममा जलवायु परिवर्तनका कुराहरू समावेश गर्ने ।
४.जलवायु परिवर्तनले मानव जीवनमा पार्ने नकारात्मक असर (कृषि,पशुपालन,स्वास्थ्य) लगाएतका सूचना शंकलन र अनुकुलनका लागि संयन्त्र बनाउने ।
५. वन जंगलको संरक्षण गर्न,औधोगिक तथा फोहरजन्य उत्सर्जन न्यूनीकरण गर्न स्थानीय तहले विज्ञको सुझाव सहित अल्पकालीन र दिर्घकालिन योजना बनाउने ।
६. जलवायु परिवर्तन सम्वन्धि अन्तर्रा्िष्ट्रय, राष्ट्रिय र स्थानीय सभा९सम्मेलन र प्रोटोकलको आधारमा योजना र विकास कार्यक्रम संचालन गर्ने ।
७. जलवायुसंग प्रत्यक्ष जोडिएका महिला,दलित,आदिवासी,किसान, सिमान्तकृत समुदाय,वन समूह,विपन्न वर्ग र नदी किनार वा जंगलको छेउछाउमा बस्ने समुदायको लागि निरन्तर अभिमुखिकरण र जनतेतना जागृत गर्ने तथा उद्यमशिलशिल कार्यक्रम संचालन गर्ने ।
