जव किशोरी शसक्तिकरणले किशोरीहरुलाई प्रशिक्षक बनायो

कावासोती । पहिला सवैको अगाडी बोल्न पनि धक मान्ने १८ वर्षिय किशोरी, आशा वि.क. आजकल आफुमा नै आएको क्षमताको परिवर्तन र कार्यहरु हेर्दा हाँस्दै भन्छीन, आजकल त म पनि किशोरी शसक्तिकरणको प्रशिक्षक भएको छु ।
साच्चिकै किशोरी शसक्तिकरण कार्यक्रमको सुरुवाती चरणका ३० जना किशोरीहरु मध्ये अहिले धेरै जना यो अभियानबाट सिकेका कुराहरु छिमेकी नगरपालिका र आफ्नै नगरपालिका भित्रका पनि बिभिन्न संस्था तथा नगरपालिकाले सञ्चालन गर्ने महिला तथा किशोरीहरुको क्षमता विकासको कार्यक्रमका सहजकर्ता हुन थालेका छन् ।
जागृति बाल तथा युवा सरोकार नेपालले करिव १ वर्ष अगाडी कन्नालन स्विजरल्याण्डको साझेदारीमा देवचुलीमा किशोरी शसक्तिकरण कार्यक्रम सुरु गर्यो, त्यसपछी यहाँका किशोरीहरुले सो अवसर पाएका हुन् । समाजमा अझै पनि महिलाहरु र बिशेषगरी किशोरीहरुमाथी रहेको असमानताको अन्त्य गर्दै लैगिंक समानताको लागि यो अभियानहरु सुरु गरेको संस्थाका अध्यक्ष तिलोत्तम पौडेलले बताउनुभयो ।
हामीले महिनावारी, बाल विवाह, हिंसा र असमानताको कुरा गर्दा सधै दुर्गम क्षेत्रमा मात्र व्याप्त रहेको भन्ने सोच्यौ तर सुगम मानिएका क्षेत्रमा पनि अझै महिनावारीको बेलामा गरिने व्यवहारहरु, किशोरीमाथी हुने असमानताको स्वरुपहरु र हिंसाहरु प्रशस्तै रहेको पाएकोले सो समाधानको लागि स्वयम किशोरीहरुलाई नै च्याम्पियन गराएर समाजमा सचेतीकरणको अभियान सुरु गरेको कुरा संस्थाका अध्यक्ष तिलोत्तम पौडेल अगाडी थप्नुहुन्छ ।

आशा जस्तै दिपा वि.क.को पनिअनुभव रहेको छ,, भिमसेन माध्यमिक विद्यालय कक्षा १० मा अध्ययनरत उनी, पढाईमा त अब्बल नै रहेकी थिईन, तर आफु भित्र यती धेरै क्षमताहरु रहेको कुरा यही कार्यक्रममा सहभागि भएर थाहा पाएको कुरा बताउछीन् । पहिला पहिला घर अनि विद्यालयमा मात्र सिमित हुने मेरा पाईलाहरु आजकल समुदायमा हुने विभिन्न कार्यक्रमहरुमा समेत प्रशिक्षकको रुपमा आमा सरहका व्यक्तिहरु र अन्य व्यक्तिलाई सिकाउने कार्य गर्ने गरेको उनले बताईन् ।
आजकल आशा र दिपा जस्तै अन्य किशोरीहरु पनि विभिन्न विषयहरुमा बोेल्ने र कार्यक्रमहरु सञ्चालनमा लागेको देख्दा समाज तथा घरका मानिसहरुले पनि उत्पे्रेरणा प्रदान गरेको कुरा बताउनुहुन्छ, अर्की किशोरी सपना पौडेल । महिनावारीको बेलामा हुने पिडा सम्झदा पनि गाह्रो मान्ने उनी, जव पहिलो महिनावारी र म नामको आफ्नो अनुभव लेखेर पत्रिकामा छपाईन, तव समाज र घरकाले पनि यसको बारेमा खुल्लेर कुरा गर्न लागेको उनी बताउछीन् ।

प्राकृतिक रुपमा हुने महिनावारीको बारेमा समाजमा अझै पनि विभिन्न रुढीवादी सोच र अन्य समस्याहरु रहेको र यसको समाधानको लागि पनि र किशोरीहरु र महिलाहरु सुरक्षित हुनको लागि पनि यसको बारेमा चर्चा र छलफल आवश्यक रहेको कुरा उनी बताउछीन् ।
आजकल किशोरी शसक्तिकरणका किशोरीहरुले समुदायमा सचेतनामुलक कार्यक्रमका लागि नगरपालिका, वडा कार्यालय तथा विभिन्न सघसंस्थाहरुँसँग सहयोग माग्ने र समुदायका मानिसहरुलाई जागरणको रुपमा कार्यहरु गरेका छन् ।