नवलपुरमा अझै रोकिएन खोला दोहन / सशस्त्र प्रहरीको नियन्त्रणमा ट्र्याक्टर

कावासोती । पूर्बि नवलपरासीका खोलाहरुमा पछिल्लो समय अत्याधिक दोहन बढेको छ । स्थानिय तहले खोला दोहन रोक्न ठोस योजना नबनाउदा खोलामा दोहन बढेको हो । नियम मिचेर नवलपुर क्षेत्रका नदी तथा खोला उत्खनन् गर्ने कार्य अझै रोकिएको छैन । स्थानीय तह कडाइका साथ प्रस्तुत हुन नसक्दा मनपरी रुपमा खोला दोहन गर्ने कार्य बढेको हो ।
गयराति (शुक्रबार) पनि सशस्त्र प्रहरी बल चोरमाराको टोली हुप्सेकोट १ बेलुवामा रहेको पत्थर खोलामा अबैध खोला दोहान गदै गरेको अवस्था ना ४ त ९३१३ नम्बरको ट्र्याक्टर नियन्त्रणमा लिएको थियो । सशस्त्र प्रहरी बल चोरमाराको टोलीले मात्र एक साताको अवधिमा करिब ६ ट्र्याक्टरलाई अबैध खोला दोहन गदै गर्दा नियन्त्रणमा लिई कारबाहीको लागी पठाएको छ । भने जिल्ला अनुगमन समितिले जिल्लाको बिभिन्न खोलाबाट दर्जनौ सवारी अबैध खोला दोहन गर्दागर्दै नियन्त्रणमा लिई कारबाहीको लागी पठाएको छ । यसरी हेर्ने हो भने पनि नवलपुरको अधिंकास खोलाहरुमा अबैध दोहन भएको देखिन्छ । स्थानियका अनुसार रातको समयमा खोलाबाट अत्याधिक खोला दोहन हुने गरेको बताएका छन् । स्थानिय तहहरुले चासो नदिने अनि स्थानिय प्रशासनकै मिलेमतोमा खोला दोहन हुने गरेको स्थानियको आरोप छ । केही समय अनुगमन गरे जस्तो गर्ने अनि अरु समय चुपचाप बस्ने जिल्ला अनुगमन समितिको समेत मिलेमतोमा खोला दोहन हुने गरेको स्थानियको आरोप छ ।