नवलपुरको देवचुलीबाट एक लाख बयालिस हजार सहित १८ जुवाडे पक्राउ

कावासोती । पूर्बि नवलपरासीको देवचुली ६ मुण्डेको आधार रिसोर्टमा जुवातास खेलिरहेको अवस्थामा १८ जना पक्राउ परेका छन् । सोमबार बिहान करिब साढे एक बजेको समयमा जिल्ला प्रहरी कार्यालय नवलपुरका प्रहरी निरिक्षक राजन ढकालको कमाण्ड टोलीले एक लाख बयालिस हजार नौ सय चालिस रुपौया सहित ति जुवाडेहरुलाई पक्राउ गरेको हो ।
रिसोर्टमा अवैध जुवा तास खेल भएको सुचना पाएपछि नवलपुर प्रहरीले देवचुली ६ मुण्डेको आधार रिसोर्टमा छापा मारेको नवलपुर प्रहरीले जनाएको छ । पक्राउ परेकालाइृ जिल्ला प्रहरी कार्यालय नवलपुरमा राखि थप अनुषन्धान भईरहेको प्रहरीले जनाएको छ ।