तिनाउ मिसन डेभलपमेन्ट बैंकद्धारा शैक्षिक सामग्री वितरण

ज्ञानु पंगेनी                                                      नवलपुर । तिनाउ मिसन डेभलपमेन्ट बैंक लिमिटेड बर्दघाट सात जिमिरेभार शाखाले १४ औं वार्षिकोत्सवको अवसर पारेर गरीब तथा जेहेन्दार विद्यार्थीहरुलाई शैक्षिक सामग्री वितरण गरेको छ ।
बैंकले रास्ट्रिय माध्यामिक विद्यालय माकर बेतहानीका १६ जना गरीब तथा जेहेन्दार विद्यार्थीहरुलाई कापि कलम र झोला वितरण गरेको हो । बैंकले प्रतेक वर्ष वार्षिकउत्सवको अवसर पारेर सामाजिक उत्तरदायित्व अन्तरगत विभिन्न सामाजिक काम गर्दै आएकोमा यस वर्ष शैक्षिक सामग्री वितरण गरेको बैंकका शाखा प्रबन्धक जगदिश जिशीले बताए । विद्यालयले छनौट गरेका कक्षा एक देखि पाँचसम्मका गरीब तथा जेहेन्दार विद्यार्थीहरुलाई उक्त शैक्षिक सामग्री वितरण गरिएको जिशीले जानकारी दिए ।

कार्यक्रम शाखा प्रबन्धक जिशीको अध्यक्षता तथा वडा अध्यक्ष ध्रुव थारुको प्रमुख आतिथ्यतामा भएको थियो । कार्यक्रममा प्रमुख अतिथी थारु , विद्यालयका प्रध्यानाअध्यापक शेषकान्त पौडेल लगायतले बोल्दै बैंकले गरेको सहयोगले बालबालिकाको शिक्षामा ठूलो सहयोग गरेको बताए । आगामि दिनहरुमा अझै राम्रा र ठूला किसिमका सामाजिक काम गर्न आग्रह समेत गरे ।