डण्डाको नवलपुर एकेडेमीले बृहत् स्वास्थ्य शिविरको आयोजना गर्ने

कावासोती । नवलपुरको डण्डामा रहेको नवलपुर एकेडेमीले आफ्नो १४ औं बार्षिकोत्सवका अबसरमा बृहत् स्वास्थ्य शिविरको आयोजना गर्ने भएको छ । स्वास्थ्य शिविरमा आबश्यकता अनुसार सबै प्रकारका परिक्षणहरु गरिने बुधबार बिहान आयोजित पत्रकार सम्मेलनमा बिद्यालयका प्रिन्सिपल हरिहर अधिकारीले बताउनुभयो ।चितवनको भरतपुरमा रहेको मनकामना अस्पताल संगको सहकार्यमा हुन लागेको स्वास्थ्य शिविर माघ २४ गते बिद्यालय पसिरमा सञ्चालन हुने अधिकारीले बताउनुभयो । सो शिविरमा छाती , मुटु , पेट र थाईराईड सम्बनधी बिषेषज्ञ डा। महेन्द्र कुमार अग्रहरी , हाडजोर्नी तथा नशा रोग बिषेषज्ञ डाक्टर शंकर ढकाल , स्त्री रोग बिषेषज्ञ डाक्टर मोना श्रेष्ठ , सर्जरी तथा पाईल्स सम्बन्धी बिषेषज्ञ डाक्टर दिपेन्द्र न्यौपाने ,बालरोग बिषेषज्ञ डा निश्चल मास्के लगायतका बिषेषज्ञहरु आउने अधिकारीले बताउनुभयो ।

उहाँले शिविरमा सहभागी हुन बिद्यालयका बिद्यार्थी , अभिभावक र स्थानीयहरुलाई आग्रह गर्नुभयो । सो अबसरमा मनकामना अस्पतालले निशुल्क औषधी समेत उपलब्ध गराउने अधिकारीको भनाई छ । बिमारीहरुका लागि आबश्यक परिक्षण सहुलियत दरमा सो दिन बिद्यालय पसिरमा नै गर्ने र सो को खर्च बिद्यालय व्यवस्थापनले बेहोर्ने पनि अधिकारीले बतथाउनुभयो ।

परिक्षणका क्रममा कुनै जटिल रोग लागेको पाईएमा अस्पतालमानै गएर उपचार गर्नुपर्ने बिरामीका लागि मनकामना अस्पतालले २० प्रतिशत छुट दिने उहाँको भनाई थियो । बिद्यालयले फागुन ५ गते आफ्नो बार्षिकोत्सव मनाउँदैछ । सो अबसरमा बिद्यार्थीहरुका लागि निशुल्क दन्त परिक्षण शिविर , आँखा परिक्षण शिविर लगायतका कार्यक्रमहरु पनि तय गरिएको अधिकारीले बताउनुभयो ।