कावासोती दुईमा आधारभूत स्वास्थ्य सेवा केन्द्र स्थापना


दयाराम आचार्य
कावासोती । कावासोती नगरपालिका वडा नम्बर २, भाटटोलामा आधारभूत स्वास्थ्य सेवा केन्द्रको स्थापना गरिएको छ । आज सेवा केन्द्र सहित सेवा केन्द्रको भवन उद्धघाटन गरिएको छ । गण्डकी प्रदेश सभा सदस्य रोशन बहादुर गाहाले सेवा केन्द्रको उद्धघाटन गर्नु भएको हो । नवदुर्गा आमा समूहले निर्माण गरेको भवन आधारभुत स्वास्थ्य सेवा केन्द्रकालागि समूहले प्रदान गरेसंगै सोहि स्थानबाट सेवा प्रदान गर्ने गरि आज उद्धघाटन गरिएको हो ।
उद्धघाटन गर्दै गण्डकी प्रदेश सभा सदस्य रोशन बहादुर गाहाले प्रदेश र स्थानीय सरकारबिच समन्वय गर्दै विकासका योजना अगाडी बढाउदा सहजता भएको बताउनुभयो । स्थानीय सरकार र प्रदेश सरकारबिच भएको समन्वयलेनै योजना कार्यान्वयन गर्न सहजता मिलेको उहाँले बताउनुभयो । कावासोतीको बालुवाडाँडा, ढोडे क्षेत्रमा विद्युतीकरण र खानेपानीकालागि योजनाहरु स्थानीय सरकारको समन्वयमा अगाडी बढाउन लागिएको प्रदेश सभा सदस्य गाहाले बताउनुभयो ।
कावासोतीको लोकाहा क्षेत्रमा औधोगिक ग्राम बनाउन, फलफुल चोक– बालुवाडाँढा– कोखे सडक खण्डको निर्माण, केरुगे खोलाको व्यवस्थापनकालागि चुरेमार्फत लगानी, नारायणी तटिय क्षेत्रको कटान रोक्ने काम , दुम्किबास–त्रिवेणी सडक निर्माण, पोखरी ताल , टरुवा ताललाई पर्यटकीय क्षेत्रका रुपमा विकास गर्ने लगाएतका योजनाहरुका लागि पहल भईरहेको भन्दै निकट भविष्यमै यि योजनाहरु सम्पन्न हुने र जनताले विकासको महशुस गर्ने उहाँले बताउनुभयो । कार्यक्रममा बोल्दै अहिले कोभिडको महामारि रोक्नकालागि समेत स्थानीय सरकारले ठुलो कार्य गरेको प्रदेश सभा सदस्य गाहाले बताउनुभयो । स्थानीय जनप्रतिनिधि, स्वास्थ्यकर्मी, सूरक्षाकर्मीसबैले कोभिडको जोखिम रोक्नकालागि विषेश भूमिका खेलेको भन्दै उहाँले प्रशंसा समेत गर्नुभयो ।
आधारभुत स्वास्थ्य सेवा केन्द्रको उद्धाघटन कार्यक्रममा बोल्दै कावासोती नगरपालिका प्रमुख चन्द्र कुमारी पुनले नगरबासीलाई न्यूनतम आधारभुत स्वास्थ्य सेवा सहज रुपमा उपलब्ध गराउन आफुहरु लागि रहेको बताउनुभयो । स्वास्थ्य चौकि नभएका हरेक वडामा आधारभुत स्वास्थ्य सेवा केन्द्रको स्थापना गरि सहज रुपमा न्यूनतम स्वास्थय सेवा प्रदान गर्न नगरपालिका लागि परेको नगर प्रमुख पुनले बताउनुभयो । हाल सम्म बिभिन्न चार वटा वडामा आधारभुत स्वास्थ्य सेवा केन्द्र स्थापना भएको भन्दै , स्वास्थ्य चौकीको सेवा क्षेत्र भन्दा टाढाका अन्य वडामा समेत क्रमश आधारभुत स्वास्थ्य सेवा केन्द्र स्थापना गर्दै लगिने उहाँले बताउनुभयो । भाटटोलामा आधारभुत स्वास्थ्य सेवा केन्द्रको लागि भवन उपलब्ध गराउने नवदुर्गा आमा सूमहलाई नगर प्रमुख पुनले धन्यवाद दिनुभयो । साथै यसको व्यवस्थापनमा सहयोग गर्ने नव दुर्गा सामुदायिक वनलाई समेत उहाँ धन्यवाद प्रकट गर्नुभयो । सोही अवशरमा भवन उपलब्ध गराउने र अन्य आवश्यक सहयोग पुर्याउने नवदुर्गा आमा समूह र नवदुर्गा सामुदायकि वनलाई कदर पत्रले सम्मान समेत गरिएको थियो ।
भाटटोलमा रहेको आधारभुत स्वास्थ्य सेवा केन्द्रबाट खोप सेवा, गर्भवती जाँच, परिवार नियोजन सेवा लगाएत अन्य आधारभुत स्वास्थ्य सेवा उपलब्ध हुने कावासोती नगरपालिका स्वास्थ्य शाखा प्रमुख कृष्ण नागिलाले बताउनुभयो । सेवा केन्द्रबाट सरकारले उपलब्ध गराएको निशुल्क औषधी समेत प्रदान गरिने छ । यस सेवा केन्द्रमा स्टाफ नर्स १, अहेब १ र कार्यालय सहयोगि १ जना गरि तीन जना कर्मचारी रहेको स्वास्थ्य शाखा प्रमुख नागिलाले बताउनुभयो । उहाँका अनुसार अहिले कावासोती २ सहित १, ९ र १५ गरि चार स्थानमा आधारभुत स्वास्थ्य सेवा केन्द्र स्थापना भएका छन् ।
जनतालाई सहज रुपमा विभिन्न सेवा प्रदान गर्ने कुरामा आफुहरु लागि परेको कावासोती नगरपालिका वडा नम्बर २ का वडा अध्यक्ष लक्ष्मि प्रसाद पौडेलले बताउनुभयो । सोहि अनुसार अहिले आधारभुत स्वास्थ्य सेवा केन्द्रको उद्धघाटन गरिएको उहाँले बताउनुभयो । कार्यक्रममा बोल्दै यहाँ स्थापना भएको सेवा केन्द्रबाट आवश्यक स्वास्थ्य सेवाको लाभ लिन सबैमा अनुरोध गर्नुभयो । वडा बाट अन्यसेवा समेत सहज रुपमा प्रदान गर्न आफु सदैव लागिरहेको वडा अध्यक्ष पौडेलले बताउनुभयो । अब वडा कार्यालयको भवन समेत निर्माण गर्न आवश्य रहेको भन्दै यसकालागि आफुले समन्वय गरिरहेको र अन्य वडाबासीले समेत यसमा सहयोग गर्न उहाँले अनुरोध गर्नुभयो ।

फेसबुकबाट कमेन्ट गर्नुहोस |

सम्बन्धित शिर्षकहरु
  • नवलपुरमा १५ शय्याका तीन अस्पतालको शिलान्यास । नवलपुरमा १५ शय्याका तीन अस्पतालको शिलान्यास ।
  • विनयी खोलाबाट वार्षीक चार लाख २७ हजार घनमिटर नदीजन्य पदार्थ उत्खनन् गर्न सकिने
  • १६ दिने अभियान : कावासोतीमा दिप प्रज्वलन
  • नवलपुरमा धान उत्पादनमा कमी
  • © 2020: Namuna Post All Rights Reserved. Designed by: GOJI Solution