अधेरी खोलामा पक्की पुल निर्माण


कावासोती । नवलपुरको मध्यविन्दु नगरपालिका–१० अधेरीखोलामा पक्की पुल निर्माण भएको छ । मध्यविन्दु–१० करम्घरी र चरिकुन जोड्ने ५२.०५ मिटर लाम्बाई र ८.४० मिटर चौडाईको पक्कि पुल निर्माण गरिएको हो । २०७६ साउन २० गते निर्माण सम्झौता भई निर्माण शुरु गरिएको थियो । दुई करोड ४२ लाख ३६ हजार तिन सय रुपैयामा डाइनामिक कन्स्ट्रक्सनले पुल निर्माण सम्पन्न गरेको हो ।
२०७७ साउन २६ गते भित्र निर्माण सम्पन्न गर्ने गरी ठेक्का सम्झौता गरेको कन्स्ट्रक्सनले निर्धारित समय अगावै साउन ४ गते निर्माण सम्पन्न गरेको पूर्वाधार बिकास कार्यालय नवलपुरका प्रमुख रबिन्द्र तिवारीले बताउनुभयो । मोटरबाटो र पेटी सहित निर्माण गरिएको पुलमा ८.४० मिटर चाडाईमध्ये ६ मिटर चौडाई मोटरबाटो र दायाँबायाँ दुवै तर्फ १.२०/१.२० मिटर पेटी रहेको तिवारीले बताउनुभयो । पुलको सोमबार गण्डकी प्रदेशका भौतिक पूर्वाधार मन्त्री रामशरण बस्नेतले उद्घाट गर्नु भएको छ । पुल उद्घाटन गर्दै मन्त्री बस्नेतले समय अगावै निर्माण सम्पन्न गर्ने डाइनामिक कन्स्ट्रक्सनलाई धन्यवाद व्यक्त गर्दै सम्पन्न समेत गर्नु भएको थियो ।
पुल निर्माण भएपछि सो आसपासका चरिकुन, द्वारा, कालिवन, मझुवा, झेरीसिमल, चिसापानी, रातामाटे, डम्फाघेरा, सारुडाँडा सहित पूर्वीपाल्पाका स्थानीयहरुलाई सहजता आउने गण्डकी प्रदेश सभा सदस्य जनकलाल श्रेष्ठले बताउनुभयो । विगतमा अधेरीखोलाले सो क्षेत्रमा ठुलो क्षति पु¥याएको भन्दै श्रेष्ठले पुल निर्माणपछि बिकास निर्माणको कामले तिव्रता पाउने बताउनुभयो ।

फेसबुकबाट कमेन्ट गर्नुहोस |

सम्बन्धित शिर्षकहरु
  • १६ दिने अभियान : कावासोतीमा दिप प्रज्वलन
  • नवलपुरमा धान उत्पादनमा कमी
  • मध्यविन्दु नगरपालिकाको न्यायिक समितिमा चार महिनामा ३५ उजुरी
  • मोटरसाइकल दुर्घटना हुँदा २ जनाको मृत्यु
  • © 2020: Namuna Post All Rights Reserved. Designed by: GOJI Solution