चोरमारा । हुप्सेकोट गाउँपालिकामा २ वटा सामुदायिक विद्यालयमा अध्ययनरत एक सय दुई जना विद्यार्थीहरुलाई न्यानो स्वीटर वितरण गरिएको छ ।
हल पोर्चुगलमा रहनुहुने मध्यविन्दु-७ चोरमारा निवासी समाजसेवी कृष्ण प्रसाद सुवेदीको सहयोगमा हुप्सेकोट-२ गैंडाखोलामा रहेको विद्याज्योति प्राथमिक विद्यालय ६१ जना र हुप्सेकोट-५ मा रहेको शिक्षाबोधनी प्राथमिक विद्यालयका ४१ जना विद्यार्थीहरुलाई न्यानो स्वीटर वितरण गरिएको न्यानो हुप्सेकोटका अभियानका संयोजक मदन थापाले जानकारी दिनुभयो ।
न्यानो कपडा वितरण कार्यक्रम अन्तर्गत विद्याज्योति प्रावि मा विद्यालयमा व्यवस्थापन समितिका अध्यक्ष रणबहादुर रजालीको अध्यक्षता तथा निर्वाचित वडासस्य घनबहादुर सोमैको प्रमुख आतित्थ्यमा भएको कार्यक्रममा मध्यविन्दु उद्योग वाणिज्य संघका माहासचिव चेतन पौडेल, न्यानो हुप्सेकोटको संयोजक तथा हुप्सेकोट खेलकुद समितिका अध्यक्ष मदन थापा , नजवागरण माविका शिक्षक नारायण अर्याल , समाजसेवी ईश्वरी रेग्मी लगायतकाको आतित्थ्यता रहेको थियो । कार्यक्रमको संचालन विद्यालयका प्रध्यानाध्यापक जमुना पाण्डेले गर्नुभएको थियो।
यसैगरी शिक्षाबोधनी प्रावितर्फ विद्यालय व्यवस्थापन समितिका अध्यक्ष भविलाल सुनारीको अध्यक्षता तथा जननिवाचित वडा अध्यक्ष पदम बहदुर रानाको प्रमुख आतित्थ्यतामा भएको कार्यक्रममा मध्यविन्दु उद्योग वाणिज्य संघका माहासचिव चेतन पौडेल, न्यानो हुप्सेकोटको संयोजक तथा हुप्सेकोट खेलकुद समितिका अध्यक्ष मदन थापा , नजवागरण माविका शिक्षक नारायण अर्याल,रुपा राईको आतित्थ्यता रहेको थियो ।
न्यानो कपडा वितरण कार्यक्रममा मध्यविन्दु उद्योग वाणिज्य संघका सचिव चेतन पौडेल, न्यानो हुप्सेकोटको संयोजक तथा हुप्सेकोट खेलकुद समितिका अध्यक्ष मदन थापा,रुपा राईले मन्तव्य राख्नुभएको थियो ।
शुभकामना मन्तव्यका क्रममा मध्यविन्दु उद्योग वाणिज्य संघका सचिव चेतन पौडेलले संस्थागत विद्यालयहरुको पठनपाठन राम्रो हुनुमा शिक्षकहरुको मेहनत महत्वपुर्ण रहेको बताउदै सामुदायिक विद्यालयको गुणस्तर उकास्नको लागि अब सामुदायिक विद्यालयका शिक्षकहरुले पनि त्यति नै मेहनत गर्नुपर्ने आवश्यकता रहेको औल्याउनुभएको थियो।
शुभकामना मन्तव्यकै क्रममा न्यानो हुप्सेकोट अभियानको संयोजक तथा हुप्सेकोट खेलकुद समितिका अध्यक्ष मदन थापाले चिसो बढ्दै जादा विपन्न परिवारका बालबालिकाहरुलाई कठ्याङ्ग्रीएर पढ्नुपर्ने बाध्यतालाई यस कार्यक्रमले टेवा पुग्ने भन्दै सहयोगी कृष्ण प्रसाद सुवेदीप्रति धन्यवाद प्रकट गर्नुभएको थियो । साथै हुप्सेकोट गाउँपालिका मा गत वर्ष जस्तै यस वर्ष पनि करिब ४ सय गरिब परिवारका विद्यार्थीहरुलाई न्यानो कपडा वितरण गर्ने लक्ष्य रहेको बताउनुभएको छ ।
