गण्डकी प्रदेश सरकारका कृषि मन्त्रीले भने हामी पनि प्रतिपक्ष हौं, मन्त्रीको विरुद्ध कृषकको नारावाजी


तिर्थराज डुम्रे
कावासोती, २ माघ । गण्डकी प्रदेशका भूमि व्यवस्था, कृषि तथा सहकारी मन्त्री लेख बहादुर थापाले आफुहरु पनि प्रतिपक्ष भएको बताएका छन् । गण्डकी प्रदेश सरकारको विरुद्ध अविश्वासको पस्ताव प्रस्तुत गर्ने वा नगर्ने भन्ने बारे बिभिन्न कोणबाट बहस भइरहदा गण्डकी प्रदेश सरकारका मन्त्रीले नै आफुहरु अहिले प्रतिपक्षमा भएको बताएका हुन् ।
आज नवलपुरको कावासोती–१३ मा कृषकसंग मन्त्री कार्यक्रममा सहभागी भएका मन्त्री थापाले गण्डकी प्रदेश सभाका प्रमुख प्रतिपक्ष दलका नेता कृष्णचन्द्र नेपालीलाई सम्बोधन गर्ने क्रममा आफुहरु पनि प्रतिपक्षमा भएको उल्लेख गरे । उनले मन्तव्यको अन्तिम समयमा कार्यक्रममा सहभागी नेपाल कांग्रेस गण्डकी प्रदेश संसदीय दलका नेता कृष्ण चन्द्र नेपालीलाई सम्बोधन गर्दै भने “कृष्ण चन्द्र नेपाली गण्डकी प्रदेश सभाका प्रमुख प्रतिपक्ष दलका नेता हुनुहुन्छ । हुन त अहिले हामी संगै छौं सबै दृष्टिकोणबाट ।” मन्त्री थापाले त्यसो भनि रहदा प्रतिपक्ष दलका नेता नेपाली हास्नु भएको थियो । मन्त्री संगै कार्यक्रममा सहभागी प्रचण्ड नेपाल समुहमा रहेका नेकपा नवलपुरका सचिव मित्रशरण शर्माले समेत हासेका थिए ।
गण्डकी प्रदेश सरकारका कृषि मन्त्री थापा प्रचण्ड नेपाल समुहमा छन् । गण्डकी प्रदेशका मुख्यमन्त्री पृथ्वीसुब्बा गुरुङले केन्द्रमा जस्तो भएपनि प्रदेशमा मिलेर अगाडी बढ्न यस अगाडी प्रचण्ड नेपाल समुहका संसदहरुलाई आग्रह गरेका थिए । गुरुङले हाल सरकारमा सहभागी मन्त्रीहरुलाई पनि जिम्मेवारीबाट हटाएको छ्रैनन् भने अन्य प्रदेशमा मन्त्रीबाट राजिनाम दिने र प्रदेश सरकार विरुद्ध अविश्वासको प्रस्ताव दर्ता गराउने प्रचण्ड नेपाल समुहले गण्डकी प्रदेशमा अविश्वासको प्रस्ताव प्रस्तुत गर्न आवश्यक संख्या पु¥याउन समेत नपुगेपछि राजिनाम पनि र सरकार पनि नछाड्ने गरिरहेका छन् ।
मन्त्री थापासंगै प्रतिपक्ष दलका नेता नेपाली कृषकसंग मन्त्री कार्यक्रममा सहभागी भएपनि यस अघि मन्त्रीसंगै कृषि र पशु कार्यालय उद्घाटन कार्यक्रममा सहभागी भएका सत्ता पक्षकै गण्डकी प्रदेश सभा सदस्यहरु रोशन गाहा र जनकलाल श्रेष्ठ भने उक्त कार्यक्रममा सहभागी भएका थिएनन् । उनिहरु दुवै जना हालै नेकपा अध्यक्ष केपीले थप गरेका केन्द्रीय सदस्यहरु हुन् ।
कृषि र पशु कार्यालय उद्घाटनको लागि नवलपुरका आएका मन्त्रीलाई कावासोती नगरपालिकामा आयोजित कृषी र पशु कार्यालय उद्घाटन कार्यक्रममा स्थानीय कृषकले कृषि अनुदानमा भ्रष्टचार गरेको, पहुँचको आधारमा अनुदान वितरण गरेको भन्दै उनको विरुद्ध नाराबाजी समेत गरेका थिए ।

फेसबुकबाट कमेन्ट गर्नुहोस |

सम्बन्धित शिर्षकहरु
  • कालीगण्डकी कोरिडोरको बुलिङटार –राम्दी खण्डमा धमाधम कालोपत्रेको काम हुदै
  • दाउन्ने दुर्घटना : गम्भिर घाईतेमध्ये ३ जनाको मृत्यु
  • दाउन्ने दुर्घटना अपडेट : ३१ जना घाईते ५ जनाको अवस्था गम्भिर
  • दाउन्नेमा बस दुर्घटना / सडकबाट दुई सय मिटर तल खस्यो बस
  • © 2021: Namuna Post All Rights Reserved. Designed by: GOJI Solution