नवलपुरमा थपिए ११ हजार बढी मतदाता (कुन स्थानीय तहमा कती छन् मतदाता विवरण सहित )


दयाराम आचार्य
कावासोती । जिल्लामा एघार हजार बढी मतदाता थपिएका छन् । नवलपरासी (बर्दघाट सुस्तापूर्व ) नवलपुरमा गत निर्वाचन भन्दा ११ हजार ४०९ जना नयाँ मतदाता थपिएका छन् । जिल्ला निर्वाचन कार्यालय नवलपरासी (बर्दघाट सुस्तापूर्व )नवलपुरका प्रमुख ओम नारायण शर्माका अनुसार गत निर्वाचनको समयमा नवलपुरमा कुल २ लाख २१ हजार ७१४ जना मतदाता रहेका थिए । नयाँ मतदाता थपिए संगै यो संख्या बढेर हाल कुल मतदाता संख्या २ लाख ३३ हजार १२३ पुगेको कार्यालय प्रमुख शर्माले बताए ।

नवलपुरमा हाल १ लाख २३ हजार ५५२ महिला , १ लाख ९ हजार ५६७ पुरुष र तेश्रो लिङ्गी चार जना मतदाता रहेका छन् । आगामि हुने निर्वाचनमा हाल रहेको मतदाता मध्य केही संख्या कमी हुने कार्यालय प्रमुख शर्माले बताए । माघ १६ र १७ गते सम्म मतदाता नामावली अध्यावधीक गरिएको थियो । मृत्यु भएका, बसाइसराइ गरेका, नागरिकता त्याग गरेका, नागरिकता रद्ध भएका लगाएतका मतदाताहरुको संख्या घट्ने उनले बताए ।
नवलपुरमा अध्यावधीकबाट करिब ३० जना मात्रै मतदाता घटन् सक्ने देखिएको कार्यालय प्रमुख शर्माले बताए । मृत्यु भएकाको नामावली आएपनी नागरिकता नम्बर सहित नआउदा मतदाता नामावलीबाट नाम हटाउन नसकिने हुदा कम मात्रमा संख्या घट्ने देखिएको छ । मृत्यु भएका व्यक्तिको मतदाता नामावलीबाट नाम हटाउन एकाघर परिवारका सदस्यले खासै चासो नदिदा यो संख्या घट्ने अवस्था कम भएको उनले बताए ।

अध्यावधिक पछीको मतदाता नामावलीको विवरण निर्वाचन आयोगमा पठाईने र आयोगले अन्तिम नामावली पठाएपछी यकिन मतदाताको संख्या थाहा हुने प्रमुख शर्माले बताए । जिल्लामा हाल कावासोती नगरपालिकामा सबै भन्दा धेरै मतदाता रहेका छन् । जिल्लाको सदरमुकाम समेत रहेको यस नगरपालिकामा ५० हजार ९२४ मतदाता रहेका छन् । जसमा २७ हजार २९७ महिला , २३ हजार ६२५ पुरुष र दुई जना तेश्रो लिङ्गी रहेका छन् ।
यस्तै गैंडाकोटमा २३ हजार ४४९ महिला र २० हजार ८५८ पुरुष गरि ४४ हजार ३०७ , मध्यविन्दुमा २१ हजार ६४६ महिला ,१८ हजार ६५८ पुरुष र २ जना तेश्रो लिङ्गी कुल ४० हजार ३०६ मतदाता रहेका छन् । देवचुली नगरपालिकामा १८ हजार २९१ म्हिला र १५ हजार ९६६ पुरुष गरि जम्मा ३४ हजार २५७ मतदता रहेका छन् ।

विनयी त्रिवेणी गाउँपालिकामा १२ हजार ६६८ महिला र ११ हजार ४०९ पुरुष गरि २४ हजार ७७ , हुप्सेकोट गाउँपालिकामा ९ हजार ५४ महिला र ८ हजार ५१ पुरुष गरि जम्मा १७ हजार १०५ , बुलिङटारमा ५ हजार ९१९ महिला र ५ हजार ८९८ पुरुष गरि कुल ११ हजार ८१७ र बौदिकालीमा ५हजार २२८ महिला र ५ हजार १०२ पुरुष गरि कुल १० हजार ३३० मतदाता रहेको जिल्ला निर्वाचना कार्यालय नवलपरासी पूर्वका प्रमुख शर्माले बताए ।
यस्तै जिल्लामा एउटा नयाँ मतदान स्थल थप हुने भएको छ । केही मतदान स्थल सार्ने तथा केहिको नामावली सच्याईने कार्यालय प्रमुख शर्माले जानकारी दिए । मध्यविन्दु नगरपालिका –१३, नम्बर वडामा पर्ने कोटथर भन्ने स्थानका ३ सय ५० जना मतदाताहरु २५ किलोमिटर एकोहोरो यात्रा गरेर मत हाल्न दुवाकुन भन्ने ठाउँमा पुग्नुपर्ने बाध्यता रहेको कारण कोटथरमा रहको कालीका मन्दिर सामुदायिक भवन खोप केन्द्रमा एउटा मतदान स्थल थप गर्ने निर्णय गरिएको कार्यालय प्रमुख शर्माले बताए ।

 

फेसबुकबाट कमेन्ट गर्नुहोस |

सम्बन्धित शिर्षकहरु
  • दुम्किबासबाट लागुऔषध सहित पोखराका निरज पक्राउ
  • कावासोती नगरपालिकाको आठौँ नगरसभा सम्पन्न
  • जिल्ला युवा समिति नवलपुरको अध्यक्षमा हिमाल सिंह ठकुरी
  • मैनाघाट जोड्ने पक्की पुल निर्माण हुदै
  • © 2021: Namuna Post All Rights Reserved. Designed by: GOJI Solution