कावासोतीका महिलाहरु अम्रिसो खेतीतर्फ आकर्षित


मिनाक्षी कंडेल
कावासोती । महिलाहरुको जिविकोपार्जनका निम्ति अम्रिसो खेतीले साहयता गरेपछि महिलाहरु यसतर्फ आर्कषित भएका छन् । अम्रिसो खेतीले महिलाहरुलाई आर्थिक रुपमा उपयुक्त प्रर्वधन गरेपछि कावासोती नगरपालिकाको हात्तीखोरमा रहेको जनचेतना आमा समूहले समुहमा आबद्ध महिलाहरुलाई आर्थिक स्तरउन्नतिका साथै जिविकोपार्जनमा सहजता प्रदान गर्ने उदेश्य अनुरुप समुहले बिगत ५ बर्षदेखि अम्रिसो खेती गरिदैँ आएको जनचेतना आमा समूहकी सचिव भुमिसरा रानाले बताईन् ।

सुरुवाती समयमा यस खेतीतर्फ महिलाहरुको संख्या न्यून रहेपनि पछिल्लो समय अम्रिसोबाटै राम्रो आम्दानी लिन सकिने हुदाँ महिलाहरुको संख्यामा समेत वृद्धि भएको रानाले बताईन् । समुहमा आबद्ध महिलाहरुले १८ बिगाहा ऐलानी जग्गालाई तारबार गरी संरक्षण सहित उक्त क्षेत्रमा अम्रिसो खेती गरिएको हो ।

सुरुवाती बर्षमा अम्रिसो खेतीको बजारीकरण स्थानिय स्तरमा मात्रै सीमित हुने गरेकोमा अहिले स्थानिय बजार,जिल्लाका बिभिन्न बजार संगै पोखरा ,चितवनसम्म यसको माग आउने हुँदा बजारीकरणको समस्या नभएको समूहकी सचिव रानाले बताईन् । उनले भनिन्, ‘उत्पादनको सुरुवाती बर्ष बिक्रीका लागि निकै समस्या थियो,अहिले अम्रिसो किन्न उत्पादन गरेकै ठाँउमा सवारी लिएर चितवन,पोखरादेखि आउछँन अम्रिसो बेच्न पहिले जस्तो दुःख छैन’ । अम्रिसो खेतीका लागि समुहले बर्षेनी ५० हजार रुपिँया खर्च गरिएको भएपनि खर्च कटाएर बार्षिक ३ लाखसम्म आम्दानी गर्दै आएको रानाको भनाई छ । बनजङ्गगलको छेउमा उक्त खेती गरिएको हुँदा डढेलोको सामान्य असर खेतीमा पर्दै आएकोमा यसबर्ष बनजङ्गल डढेलो नियन्त्रणका कारण यसको उत्पादनमा समेतवृद्धि हुने समुहले आकलन गरेको छ ।

यसबर्ष अन्य बर्षको तुलनामा ४ लाख रुपैयाँ आम्दानी गर्ने लक्ष्य समुहको रहेको सचिव रानाले बताईन् । समुहले १ किलो अम्रिसो एक सय रुपियाँमा बिक्री गर्दै आएको छ । महिलाहरुको जिविकोपार्जनका लागि सहजता प्रदान गर्नुका साथै एकपटक बिरुवा लगाएपछि एक बर्ष सम्म केही गर्नु नपर्ने तैपनि राम्रो आम्दानी हुने र महिलाहरु अन्य खेती तथा ब्यवशायमा सरिक हुन सकिने हुदाँ समूहले बर्षेनी अम्रिसो खेती गर्दै आएको छ ।

 

फेसबुकबाट कमेन्ट गर्नुहोस |

सम्बन्धित शिर्षकहरु
  • कालीगण्डकी कोरिडोरको बुलिङटार –राम्दी खण्डमा धमाधम कालोपत्रेको काम हुदै
  • दाउन्ने दुर्घटना : गम्भिर घाईतेमध्ये ३ जनाको मृत्यु
  • दाउन्ने दुर्घटना अपडेट : ३१ जना घाईते ५ जनाको अवस्था गम्भिर
  • दाउन्नेमा बस दुर्घटना / सडकबाट दुई सय मिटर तल खस्यो बस
  • © 2021: Namuna Post All Rights Reserved. Designed by: GOJI Solution