गंगा बिश्वकर्मा
चोरमारा । नवलपरासी बर्दघाट सुस्ता पुर्वको गैंडाकोटमा सवारी दुर्घटना हुदा दुई जना गम्भीर घाइते भएका छन् ।
आज दिउसो जिल्लाको गैंडाकोट नगरपालिका–१० पितौजीमा पूर्वबाट पश्चिम तर्फ आउदै गरेको बा ९२ प १२४८ नम्वरको मोटरसाईकलले ना ६ ख ८५८६ नम्वरको ट्रक चालकलाई ठक्कर दिदा उक्त दुर्घटना भएको प्रहरीले जनाएको छ । ट्रक रोकी ट्रक चालक खाना खान जाँदा बाटो क्रस गर्ने क्रममा माेटरसाईकले ठक्कर दिदा २ जना गम्भीर घाइते भएका हुन् ।
घाइते हुनेमा ट्रक चालक धादिङ नगरपालिका–११ बस्ने २४ वर्षिय बाबुराम पौडेल र मोटरसाईकल चालक बर्दीया घर भई हाल काठमाण्डौ बस्ने ३० वर्षिय प्रकाश धिताल रहेको जिल्ला प्रहरी कार्यालय नवलपुरका डिएसपी दिलिप गिरिले जानकारी दिनुभयो । घाईतेको नयाँ मेडिकल कलेज चितवनमा उपचार भईरहेको छ ।
