विनयीत्रिबेणीमा एमाले पार्टी प्रवेशको लहर,मंगलबार २०३ जना प्रवेश

कावासोती । पूर्वि नवलपरासीको विनयीत्रिबेणीमा नेकपा एमाले प्रवेश गर्नेको लहर चलेको छ । मंगलबार मात्रै नेपाली कांग्रेस पार्टी परित्याग गरी २०३ जना एमाले प्रवेश गरेको नेकपा एमाले विनयीत्रिबेणी कमिटीले जनाएको छ । अहिले विनयीत्रिबेणीमा पार्टी प्रवेशको लहर नै चलेको अनेरास्ववियु विनयीत्रिबेणीका अध्यक्ष संगम गिरीले जानकारी दिए । स्थानीय तहको चुनावमा नेकपा एमालेले जित हासिल गरेपछि विनयीत्रिबेणीमा अहिले नेपाली कांग्रेस सहित अन्य पार्टी परित्याग गरी एमाले प्रवेश गर्नेहरुको लहर चलेको अनेरास्ववियु विनयीत्रिबेणीका अध्यक्ष संगम गिरी बताए । अहिले एमालेले स्थानीय तहको चुनाव जितै संगै जनताको आवश्यकता र बिकासको काम अघि बढाएको कारण एमालेमा अन्य पार्टीका कार्यकर्ता आकर्षित भएको उनको भनाई छ ।  मंगलबार पार्टी प्रवेश कार्यक्रममा एमाले केन्द्रीय सदस्य एवं प्रतिनिधि सभा सदस्य तिलक महत र विनयीत्रिबेणी गाउँपालिका अध्यक्ष घनश्याम गिरी सहितका जिल्ला नेताहरुले अबिर माला लगाएर पार्टीमा प्रवेश गराएका थिए ।

नव प्रवेशीहरुलाई स्वागत एमाले केन्द्रीय सदस्य एवं प्रतिनिधि सभा सदस्य तिलक महतले अहिले नवलपुर सहित देशभर नेकपा एमालेमा प्रवेश गर्नेको लहर सुरु भएको बताएका छन् । त्यस्तै महतले समृद्धि बिकास र राष्ट्रीयताको रक्षाको लागि एमाले आवश्यक रहेको बताएका छन् । गठबन्धनको सरकारले देशको बिकासमा कुनै चासो नदिएको र भष्ट्रचारमा लिप्त भएको महतले आरोप समेत लगाएका छन् ।