गैडाकोट क्षेत्रका नारायणी नदी किनारको दर्जनौ घर डुवानमा

चितवन । नारायणी नदीमा आएको बाढी बस्ती पस्न थालेको छ । आज साँझसम्म नवलपुरको गैडाकोट किनारका दर्जनौ घर डुवानमा परेका छन् । घर डुवानमा परेपछि स्थानीयले अहिले धमाधम सामान सुरक्षित स्थानमा सारिरहेका छन् । नारायणी नदीमा पानीको बहाब यस बर्षकै उच्च छ । पानीको सतह खतराको संकेतमा पुगेको भन्दै सुरक्षित रहन नदी तटिय क्षेत्रका बासिन्दालाई आग्रह गरिएको छ ।